پاکستان نہ ہی نیوکلیئر بلیک میلنگ کر رہا ہے اور نہ ہی اس پر یقین رکھتے ہیں ،خواجہ آصف

اسلام آباد(اُردو پوائنٹ اخبارتازہ ترین - آن لائن۔ 15 اگست2025ء)وزیر دفاع خواجہ آصف نے کہا ہے کہ پاکستان نہ ہی نیوکلیئر بلیک میلنگ کر رہا ہے اور نہ ہی اس پر یقین رکھتے ہیں ‘پاکستان کے اثاثے پاکستان کے دفاع کے لیے ہیں ‘ہم نہ کسی کو بلیک میل کرتے ہیں ہماری نیوکلیئر صلاحیت ہمارے دفاع کی ضمانت ہے ‘ نریندر مودی کو اب خواب میں بھی پاکستان اور پاکستانی افواج نظر آتی ہیں ‘نریندر مودی کے لیے پاکستان سے جنگ ایک ڈراونا خواب بن چکا ہے ‘نریندر مودی بنیادی طور پر اپنے ووٹرز کو مطمئن کر رہے ہیں ۔

میڈیا سے گفتگو کرتے ہوئے وزیر دفاع خواجہ آصف نے کہا کہ پاکستان نے اپنے دفاع میں جنگ لڑی اور جنگ جیتی ‘نریندر مودی کے لیے دوسری جنگ بھارت کے اندر نظر آرہی ہے ‘بھارت کے اندر سے نریندر مودی کے خلاف آوازیں اٹھائی جا رہی ہیں ‘بھارتی شہری خود کہہ رہے ہیں کہ نریندر مودی کا رویہ ایسا تھا کہ جنگ تک کی نوبت آگئی ‘نریندر مودی پر کانگریس سمیت چھوٹی ریاستوں میں بھی شہری اب تنقید کر رہے ہیں ۔

(جاری ہے)

خواجہ آصف نے کہا کہ نریندر مودی ایسے بیانات دے کر اپنے گھر میں اٹھنے والے طوفان کو روکنے کی کوشش کر رہا ہے ۔نریندر مودی جانے ان کے اپنے گھر کے سیاسی افراد جانیں پاکستان کا اس سے کوئی تعلق نہیں۔پاکستان کی ایٹمی صلاحیتیں اپنے دفاع میں ہیں کسی کو اس سے خطرہ نہیں ہو سکتا ۔اج سے سال یا ڈیڑھ سال قبل بھارت کا سیاسی و معاشی طور پر کچھ مقام تھا ۔

نریندر مودی کے ہاتھوں بہارت اپنا مقام کھو بیٹھا ہے ۔بھارت میں نریندر مودی کی ناکامی ان کی اپوزیشن کے لیے ایک موقع ہے ۔انہوں نے کہا کہ بھارت کی اپوزیشن نریندر مودی کی ناکامیوں کی اپورچونٹی سے فائدہ اٹھا رہے ہیں۔ بھارتی اپوزیشن کے لیے یہ موقع ملا ہے کہ وہ ایک مرتبہ پھر اپنا مقام بنا سکے ‘بھارت کے اندرون معاملات سے پاکستان کا کوئی تعلق نہیں ہے ‘نریندر مودی کی قیادت نے بھارت کو اندرونی اور بین الاقوامی سطح پر نقصان پہنچایا ‘بھارت نے جس طرح دہشت گردی کی پشت پناہی کی بین الاقوامی سطح پر بھی اسے ناکامی ہوئی ‘ کینیڈا اور پاکستان میں دہشت گردی کے واقعات نریندر مودی نے کروائے‘نریندر مودی کے چہرے پر دہشت گردی کا دھبہ لگ چکا ہے ۔

وزیر دفاع نے کہا کہ پاکستان میں بی ایل اے اور طالبان بھارت کی پراکسیز ہیں ‘ پاکستان کے پاس بھارتی دہشت گردی کے ثبوت ہیں اور عالمی فورم پر جمع بھی کروائے ہیں ‘اگر اچھے ہمسایوں کی طرح رہا جائے تو برصغیر میں امن ممکن ہے ‘برصغیر کی عوام معاشی ترقی بھی کر سکتے ہیں۔