ق*پاکستان کی مسلح افواج کا حالیہ سیلاب میں گلگت بلتستان میں ریسکیو آپریشن جاری

ؤآرمی چیف کی خصوصی ہدایت پر گلگت بلتستان کے گاؤں ٹیرو میں پاک فوج کی جانب سے فیلڈ ہسپتال کا قیام ، 4 ڈاکٹروں بشمول ماہر امراضِ بچگان، گائنی اسپیشلسٹ، میڈیکل اسپیشلسٹ اور جی ڈی ایم او ٹیم کا حصہ ہیں ہیں،آئی ایس پی آر

اتوار 17 اگست 2025 22:00

ٓ اسلام آباد(اُردو پوائنٹ اخبارتازہ ترین - آن لائن۔ 17 اگست2025ء) پاکستان کی مسلح افواج کا حالیہ سیلاب میں گلگت بلتستان میں ریسکیو آپریشن جاری ،آرمی چیف کی خصوصی ہدایت پر گلگت بلتستان کے گاؤں ٹیرو میں پاک فوج کی جانب سے فیلڈ ہسپتال کا قیام عمل میں لایا گیا ہے جہاں 4 ڈاکٹروں بشمول ماہر امراضِ بچگان، گائنی اسپیشلسٹ، میڈیکل اسپیشلسٹ اور جی ڈی ایم او ٹیم کا حصہ ہیں ہیں ۔

ترجمان آئی ایس پی آر کے مطابق حالیہ سیلاب کے دوران گلگت بلتستان کے دورافتادہ گاؤں ٹیرو تحصیل پھنڈر کا زمینی راستہ دوسرے علاقوں سے کٹ چکا تھا راستوں کی بندش کے باعث مقامی آبادی کو صحت کے مسائل کا سامنا تھا اس صورتحال کے پیشِ نظر پاک فوج نے علاقے میں ریسکیو آپریشن کیا ڈاکٹروں کی ٹیم نے متاثرہ مریضوں کا معائنہ کرکے انہیں ادویات فراہم کیں۔

(جاری ہے)

ترجمان کا کہنا تھا کہ ڈاکٹروں کی ٹیم ضروری ادویات کے ہمراہ متاثرہ علاقے میں قیام کرے گی اور مقامی عوام کو 24 گھنٹے طبی سہولیات فراہم کرے گیہیلی کاپٹر کے ذریعے 4 شدید زخمیوں کو ہسپتال منتقل کیا گیا تاکہ انہیں بروقت علاج کی سہولت میسر آسکیپاک فوج کی جانب سے متاثرین میں راشن کے تھیلے بھی تقسیم کئے گئے، جن میں آٹا، چاول، دالیں، پینے کا پانی اور دیگر اشیائے خوردونوش شامل ہیںپاک فوج کا عوامی خدمت کا مشن متاثرین کی مکمل بحالی تک جاری رہے گا۔