بھارت ایس سی او میں آذربائیجان کے رکن بننے کی راہ میں حائل

بھارت نے ایک مرتبہ پھر آذربائیجان کو شنگھائی تعاون تنظیم کا مکمل رکن نہیں بننے دیا،رپورٹ

منگل 2 ستمبر 2025 14:11

تیانجن (اُردو پوائنٹ اخبارتازہ ترین - این این آئی۔ 02 ستمبر2025ء)بھارت شنگھائی تعاون تنظیم میں آذربائیجان کے بطور مکمل رکن شامل ہونے کی راہ میں حائل ہوگیا۔روسی میڈیا نے آذربائیجان کے میڈیا کے حوالے سے دعوی کیا ہے کہ بھارت نے ایک مرتبہ پھر آذربائیجان کو شنگھائی تعاون تنظیم کا مکمل رکن نہیں بننے دیا۔

(جاری ہے)

رپورٹس کے مطابق شنگھائی تعاون تنظیم سن 2001 میں قائم کی گئی تھی جس کے پاکستان، بھارت، ایران، قازقستان، چین، کرغزستان، روس، تاجکستان اور ازبکستان اراکین ہیں۔

بیلاروس بھی جولائی سن دوہزار چوبیس میں تنظیم کا رکن بن چکا ہے جبکہ مبصر ملکون مین افغانستان اور منگولیا شامل ہیں۔ اسی طرح ڈائیلاگ پارٹنرز میں آذربائیجان، آرمینیا، بحرین، مصر، کمبوڈیا، قطر، کویت، مالدیپ، میانمار، نیپال، متحدہ عرب امارات، سعودی عرب، ترکی اور سری لنکا شامل ہیں۔