Live Updates

پنجاب کی طرف سے گندم کی سپلائی معطلی افسوسناک ہے،گورنر کے پی فیصل کریم کنڈی

علیمہ خان کے واقعے پر افسوس کیا جا سکتا ہے، سیاستدانوں کو ایک دوسرے کی عزت کرنی چاہیے،گفتگو

اتوار 7 ستمبر 2025 22:15

ڈیرہ اسماعیل خان(اُردو پوائنٹ اخبارتازہ ترین - این این آئی۔ 07 ستمبر2025ء)گورنر خیبر پختون خوا فیصل کریم کنڈی نے کہا ہے کہ پنجاب کی طرف سے گندم کی سپلائی کی معطلی افسوس ناک ہے، یہ وقت سیاست کا نہیں لوگوں کی مل کر مدد کرنے کا ہے۔ سیلاب متاثرین میں چیک تقسیم کی تقریب کے بعد میڈیا سے گفتگو کرتے ہوئے انہوں نے کہا کہ علیمہ خان کے واقعے پر افسوس کیا جا سکتا ہے، سیاستدانوں کو ایک دوسرے کی عزت کرنی چاہیے۔

(جاری ہے)

گورنر خیبر پختونخوا فیصل کریم کنڈی نے کہا ہے کہ وفاق کی متاثرین کے لیے مختص رقوم تقسیم کر دیں، یہ وقت سیاست کا نہیں لوگوں کی مل کر مدد کرنے کا ہے۔انہوں نے کہا کہ کالا باغ ڈیم کو ایشو بنایا جا رہا ہے، کالا باغ ڈیم کی بجائے 4 ڈیم بن جائیں تو ڈیرے کے لیے بہتری آئے گی۔گورنر کے پی نے کہا کہ پہاڑ پور کو پولیٹیکل ضلع نہیں بلکہ عملی طور پر ضلع بننا چاہیے، پیسکو اور ٹیسکو صوبائی حکومت کو لے لینا چاہیے، بجلی لوڈشیڈنگ ایشو ختم ہو جائے گا۔