سرگودھا میں کمپیوٹرائزڈ سروے کیلئے اقدامات کو حتمی شکل دی جا رہی ہے،ترجمان محکمہ شماریات

ہفتہ 13 ستمبر 2025 20:00

سرگودھا (اُردو پوائنٹ اخبارتازہ ترین - اے پی پی۔ 13 ستمبر2025ء) محکمہ شماریات سرگودھا کی جانب سے سرگودھا میں مردم شماری سمیت مکان شماری اور دیگر قانونی کاروائیوں کو مکمل کرنے کے کمپیوٹرائزڈ سروے کیلئے اقدامات کو حتمی شکل دی جا رہی ہے۔ ترجمان محکمہ شماریات کے مطابق اس سلسلہ میں ملک بھر کے بلدیاتی اداروں کو ہدایت جاری کی گئی ہیں کہ وہ اپنے اپنے علاقوں میں بنائی جانے والی عمارتوں کا کمپیوٹرائزڈ ڈیٹا مکمل کریں تاکہ ملک بھر میں مردم شمار اس میں مکان شماری اور اسی طرح دیگر معلومات کو کمپیوٹرائزڈ کر کے دستاویزی قانونی شکل میں تشکیل دی جا سکے۔

اس سلسلہ میں بلدیاتی اداروں کی جانب سے صوبہ سمیت ملک بھر میں تعمیر ہونے والی عمارتوں کے ریکارڈ کو مرتب کیا جا رہا ہے جس میں صوبہ پنجاب میں پیرا فورس کو بھی متحرک کر دیا گیا ہے اور تمام جائیداد رکھنے والے افراد کو ہدایت کی گئی ہے کہ وہ اپنی اپنی جائیدادوں کو کمپیوٹرائزڈ کروائیں تاکہ دوران سروے انہیں کسی قسم کی مشکلات کا سامنا نہ کرنا پڑے۔

(جاری ہے)

ترجمان کے مطابق حکومت کے نوٹس میں یہ بات لائی گئی ہے کہ پاکستان بھر میں ایسی جائیدادیں بھی موجود ہیں جن پر کمرشل یا رہائشی عمارتیں تعمیر ہیں مگر انہیں سفیدہ پلاٹ ظاہر کیا گیا ہے جس سے خزانے کو نقصان ہو رہا ہے حکومت کی جانب سے ایسی عمارتوں کے خلاف قانونی کاروائی عمل میں لانے کی ہدایت بھی جاری کر دی گئی ہے۔