امریکہ اسرائیلی معاملے میں عالمی دنیا کو بے وقو ف بنا رہاہے‘جے یو آئی ( س)

جمعہ 26 ستمبر 2025 11:30

لاہور(اُردو پوائنٹ اخبارتازہ ترین - این این آئی۔ 26 ستمبر2025ء)جمعیت علما ئے اسلام( س) لاہور کے امیر ومرکزی سالار مولانا قاری اعظم حسین، امیر مولانا پیر عبدالقدوس نقشبندی ،ناظم اعلی مولانا ایوب خان، ڈپٹی سیکرٹری پیر اکبر ساقی، لاہور کے ناظم اعلی مولانا طیب عثمانی، نائب امیر مولانا صلاح الدین ایوبی، قاری واحد بخش، قاری رحمت اللہ لاشاری، انجینئر خالد ٹیپو، عبد الحمید تو نسوی، مولانا محمد ممتاز، مولانا توقیر عباس سمیت دیگر رہنما ئوں نے اپنے مشترکہ بیان میں کہاہے کہ امریکہ اسرائیلی معاملے میںعالمی دنیا کو بے وقو ف بنا رہاہے،امریکہ نے فلسطین ، افغانستان ، عراق اور لیبیا کو راکھ کردیا اور ہمارے حکمران امریکی غلامی سے تھکتے نہیں، ڈونلڈ ٹرمپ کو امن کا داعی کہنا غلامی کے سوا کچھ نہیں ، پوری دنیا میں بدامنی کی آگ امریکہ نے لگائی ہے،اگر امریکہ امن چاہتا ہے تو غزہ میں جنگ بندی کی قرارداد کو چھ بار ویٹو نہ کرتا ۔

(جاری ہے)

انہوں نے کہا کہ سعودی عرب و پاکستان کے دفاعی معاہدے میں دیگر اسلامی ممالک کو شامل کرکے اسلامی بلاک تشکیل دیا جائے اور کسی ایک ملک پر حملہ تمام اسلامی ممالک پر حملہ تصور کرنے کا اعلان کیا جائے تاکہ عالم کفر اور صہونی لابی کا مشترکہ طور پر مقابلہ کیا جاسکے ، سعودی عرب اور پاکستان اسرائیل کے غزہ پر دہشت گردی کے خاتمے کیلئے فوری طور پر مشترکہ اقدام اٹھائیں۔