بلاول بھٹو زرداری کا اسرائیل کی جانب سے گلوبل صمود فلوٹیلا سے حراست میں لئے گئے تمام افراد کی رہائی کا مطالبہ ( تصحیح شدہ)

جمعہ 3 اکتوبر 2025 15:00

اسلام آباد (اُردو پوائنٹ اخبارتازہ ترین - اے پی پی۔ 03 اکتوبر2025ء) چیئرمین پاکستان پیپلز پارٹی بلاول بھٹو زرداری نے اسرائیل کی جانب سے گلوبل صمود فلوٹیلا میں شامل بحری جہازوں سے حراست میں لئے گئے تمام افراد کی رہائی کا مطالبہ کرتے ہوئے کہاکہ اسرائیل نے پاکستان کے سابق سینیٹر مشتاق احمد خان کو حراست میں لے کر بین الاقوامی قوانین کی خلاف ورزی کی ہے۔

(جاری ہے)

جمعہ کو انہوں نے گلوبل صمود فلوٹیلا کو اسرائیل کی جانب سے روکے جانے پر اپنے ردعمل میں کہا کہ اسرائیل نے گلوبل صمود فلوٹیلا کو روک کر ڈاکٹروں اور رضاکاروں کو حراست میں لے کر انسانیت پر کھلا حملہ کیا ہے۔اسرائیل نے سابق سینیٹر مشتاق احمد خان کو حراست میں لے کر بین الاقوامی قوانین کی خلاف ورزی کی ہے۔ انہوں نے اسرائیل کی جانب سے گلوبل صمد فلوٹیلا میں شامل بحری جہازوں سے حراست میں لئے گئے تمام افراد کی رہائی اور غزہ کے لئے انسانی راہداری اور فلسطین کے لئے انصاف کا مطالبہ کیاہے ۔