Live Updates

افغان طالبان کی جارحیت پر پاکستان کے عوام پاک فوج کیساتھ سیسہ پلائی دیوار بن گئے

پاک فوج نے دلیری سے وطن کا دفاع کیا ،افغان طالبان کی کئی پوسٹوں کو قبضے میں لیا، شہری

پیر 13 اکتوبر 2025 20:45

پشاور (اُردو پوائنٹ اخبارتازہ ترین - این این آئی۔ 13 اکتوبر2025ء) افغان طالبان کی جارحیت پر پاکستان کے عوام ہمیشہ کی طرح پاک فوج کیساتھ سیسہ پلائی دیوار بن گئے۔خیبرپختونخوا سے بلوچستان تک عوام پاک فوج کی جانب سے افغان جارحیت پر منہ توڑ جواب پر خراج تحسین پیش کر رہے ہیں۔شہریوں نے کہا ہے کہ افغان طالبان فورسز کے پاکستان پر حملے کی شدید الفاظ میں مذمت کرتے ہیں، پاک فوج نے دلیری سے وطن کا دفاع کیا اور افغان طالبان کی کئی پوسٹوں کو قبضے میں لیا، یہ جنگ افغان عوام کے خلاف نہیں صرف دہشت گردوں کے خلاف ہے۔

(جاری ہے)

خراج تحسین پیش کرتے ہوئے شہری نے کہا کہ افغان جارحیت کے خلاف اپنی پاک فوج کے ساتھ ہر ممکن تعاون کے لیے کھڑے ہیں، پاک فوج نے اپنی برتری ثابت کرتے ہوئے افغان پوسٹوں پر پاکستانی پرچم لہرایا۔ پاک افواج اپنے دشمن، ہندوستان ہو یا افغانستان کو بھرپور طریقے سے جواب دیتی رہیں گی۔شہری نے کہا کہ افغان طالبان کو پیغام ہے کہ ہم اپنے ملک کیلئے ایک ہیں اور جنگ کیلئے تیار ہیں، افغان عبوری حکومت دہشت گردوں کو پاکستان میں منظم طریقے سے منتقل کرتا ہے، یہ بھر پور جواب بیرون طاقتوں کی ایما پر پاکستان میں دہشت گردی پھیلانے والوں کے خلاف ہے۔