ش*لیسکو کا کنگن پور ویسٹ میں بجلی چوروں اور نادہندگان کیخلاف بھرپور آپریشن

بجلی چوری اور نادہندگی کے خلاف یہ کارروائیاں بغیر کسی تفریق اور دباؤ کے جاری رہیں گی:ترجمان

جمعرات 11 دسمبر 2025 20:35

لاہور (اُردو پوائنٹ اخبارتازہ ترین - آن لائن۔ 11 دسمبر2025ء) وزیراعظم پاکستان کے وژن، وزیرِ توانائی سردار اویس احمد لغاری کی ہدایات اور چیف ایگزیکٹو لیسکو انجینئر محمد رمضان بٹ کی زیرو ٹالرنس پالیسی کے تحت لیسکو کی بجلی چوروں اور نادہندگان کے خلاف کارروائیاں مزید تیز کر دی گئی ہیں۔ ایس ای لیسکو قصور سرکل راؤ کامران شوکت کی ہدایات پر ایکسئین چونیاں انجینئر میاں طارق بشیر اور ایس ڈی او کنگن پور ویسٹ انجینئر رائے علی رضا کی زیر نگرانی لیسکو ٹیم نے رینجرز اور پولیس کے ہمراہ گاؤں فتوکی، شام کوٹ، کوٹھہ، کلاں اور گاڈے والا میں مشترکہ آپریشن کیا۔

آپریشن کے دوران18 بجلی چوروں کی غیر قانونی تاریں اور کنیکشنز اتارے گئے،، 9 بجلی چور موقع پر گرفتار کیے گئے۔

(جاری ہے)

تمام گرفتار ملزمان کے خلاف مقدمات کی درخواستیں تھانہ کنگن پور کو ارسال کر دی گئی ہیں۔ مزید کارروائی میں 3 نادہندگان کے ٹرانسفارمر اتارے گئے جن پر مجموعی طور پر 56,82,540 روپے واجبات تھے۔ 205,649 روپے واجبات والے متعدد کنکشنز کی ایل ٹی لائنیں منقطع کی گئیں۔

5 نادہندگان کو موقع پر گرفتار کرتے ہوئے تقریباً 8 لاکھ روپے کی ریکوری وصول کی گئی۔ لیسکو ترجمان کے مطابق بجلی چوری اور نادہندگی کے خلاف یہ کارروائیاں بغیر کسی تفریق اور دباؤ کے جاری رہیں گی۔ چیف ایگزیکٹو لیسکو نے کہا ہے کہ بجلی چوری ایک قومی جرم ہے، اور اس کا خاتمہ حکومتی وژن کے مطابق ادارے کی اولین ترجیح ہے۔ ترجمان لیسکو نے عوام سے درخواست کی کہ بجلی چوری کی اطلاع فوراً 118 ہیلپ لائن پر دیں اور قومی مفاد میں اپنا کردار ادا کریں