ا*نئے صوبے بننے کی راہ میں قومی اسمبلی رکاوٹ ہی: مخدوم احمد محمود

ًانتخابات شفاف نہیں ہوئے تو میرا خاندان الیکشن نہیں لڑے گا، ، سینئر رہنما پیپلز پارٹی

جمعرات 8 جنوری 2026 19:00

]لاہور (اُردو پوائنٹ اخبارتازہ ترین - آن لائن۔ 08 جنوری2026ء) پاکستان پیپلزپارٹی (پی پی پی) کے سینئر رہنما اور سابق گورنر پنجاب مخدوم احمد محمود نے ملک میں نئے صوبے بنانے پر زور دیتے ہوئے کہا ہے کہ نئے صوبے بننے کی راہ میں قومی اسمبلی رکاوٹ ہے۔

(جاری ہے)

سابق گورنر پنجاب اور صدر پاکستان پیپلزپارٹی جنوبی پنجاب مخدوم احمد محمود نے لاہور میں میڈیا سے غیر رسمی گفتگو کرتے ہوئے کہا کہ آئندہ عام انتخابات شفاف نہیں ہوئے تو میرا خاندان الیکشن نہیں لڑے گا۔

انہوں نے کہا کہ میرے بچے اپنی جیت کے ساتھ فارم 47 کبھی نہیں جوڑیں گے۔ ان کا کہنا تھا کہ پاکستان میں آصف زرداری سے بڑا ڈونر کوئی نہیں ہے۔ سابق گورنر نے کہا کہ پنجاب اسمبلی سے نئے صوبے بنانے کی قرار داد پر عمل درٓ?مد کیے بغیر گزارا نہیں، نیا صوبہ دیے بغیر سرائیکی عوام کو انصاف نہیں دیا جا سکتا۔ مخدوم احمد محمود نے کہا کہ نئے صوبے بننے کی راہ میں قومی اسمبلی رکاوٹ ہے۔