Live Updates

جھنڈوں پر استری کیوں نہیں کی، شہبازگل اپنے وی لاگ کی وجہ سے تنقید کی زد میں

اور کچھ نہیں ملا تو اب اس پر وی لاگ، سوشل میڈیا صارفین کے طنزیہ تبصرے

ساجد علی ہفتہ 11 اپریل 2026 17:31

جھنڈوں پر استری کیوں نہیں کی، شہبازگل اپنے وی لاگ کی وجہ سے تنقید کی ..

اسلام آباد (اُردو پوائنٹ اخبارتازہ ترین۔ 11 اپریل 2026ء) پاکستان تحریک انصاف کے رہنماء اور سابق معاون خصوصی ڈاکٹر شہباز گل اپنے ایک وی لاگ کی وجہ سے تنقید کی زد میں آگئے۔ تفصیلات کے مطابق شہباز گل کی جانب سے ایک وی لاگ کیا گیا جس میں انہوں نے وفاقی دارالحکومت اسلام آباد میں امریکہ اور ایران کے درمیان ہونے والے مذاکرات کے حوالے سے حکومت کی تیاریوں پر بات کی، جس میں ایک طرف تو انہوں نے امن کیلئے پاکستان کی کوششوں کی تعریف کی لیکن ساتھ ہی اپنے اس ولاگ میں انہوں نے ایک نشاندہی بھی کی۔

سابق معاون خصوصی نے کہا کہ اسلام آباد دفتر خارجہ کے سامنے جو جھنڈے لگائے گئے ہیں، ان کو کسی نے استری بھی نہیں کیا، ایسے ہی اٹھاکر لگا دیئے، اب ظاہر ہے پورے کا پورا انٹرنیشنل میڈیا آئے گا، وہ آپ کی ان کرتوتوں کو دیکھے گا، اس کی بجائے اگر آپ نے جھڈے نہ لگائے ہوتے تو وہ نارمل لگتا کیوں کہ اسلام آباد بذات خود ایک خوبصورت شہر ہے۔

(جاری ہے)

لُوسی شہباز گِل کو اور کچھ نہیں ملا تو اب اس پر وی لاگ کہ جھنڈوں پر استری کیوں نہیں کی۔
pic.twitter.com/fcwIBY45MG
— Dr Shama Junejo (@ShamaJunejo) April 11, 2026

ڈاکٹر شہباز گل کے اس ولاگ پر تبصرہ کرتے ہوئے شمع جونیجو نے نامناسب لفظ کا استعمال کرتے ہوئے لکھا کہ ’شہباز گِل کو اور کچھ نہیں ملا تو اب اس پر وی لاگ کہ جھنڈوں پر استری کیوں نہیں کی‘۔

ن لیگ کے ایک کارکن اعجاز ستی نے اس پر کہا کہ ’لیول چیک کریں جب پراپیگنڈہ کرنے کو کچھ نہ ہو تو شہباز گل نے پاکستانی جھنڈوں پہ ویلاگ کر دیا کہ وہ استری نہیں تھے اور اس کے سننے والے بھی کلیم کرتے ہیں کہ ہم سب سے ذیادہ پڑھے لکھے ہیں‘۔

لیول چیک کریں جب پروپیگنڈا کرنے کو کچھ نا ہو
شہباز گل نے پاکستانی جھنڈوں پہ ویلاگ کر دیا کہہ وہ استری نہیں تھے اور اس کے سننے والے بھی کلیم کرتے ہیں کہ ہم سب سے ذیادہ پڑھے لکھے ہیں۔۔
— Ejaz Satti (PMLN) (@Ejzgia) April 11, 2026

ایک صارف راحیل زیدی نے طنزیہ انداز اپناتے ہوئے لکھا کہ ’پی ٹی آئی کے ایک بہترین دانشور نے ایک اہم ایشو کی نشاندہی کی جس کی بدولت پوری کانفرس پریشانی کا شکار ہو گئی اور جنگ کے خاتمے کی امیدیں دم توڑنے لگیں ہیں، محترم شہباز گل نے ایک حساس معاملے کی طرف توجہ دلوائی ہے‘۔

پی ٹی آئی کے ایک بہترین دانشور نے ایک اہم ایشو کی نشان دہی کی جس کی بدولت پوری کانفرس پریشانی کا شکار ہو گئی اور جنگ کے خاتمے کی امیدیں دم توڑنے لگیں ہیں۔ محترم شہباز گل نے ایک حساس معاملے کی طرف توجہ دلوائی ۔ اب کیا یہ اعتراض بھی غلط ہے پٹواریوں اور دیگر پارٹیوں والو! 😂 pic.twitter.com/S0THgxu20S
— Raheel Zaidi (@Raheelzaidi14) April 11, 2026