پاکستان میں بھارتی ریاستی دہشت گردی کے ناقابل تردید شواہد منظرعام پرآگئے‘رپورٹ

بدھ 29 اپریل 2026 17:31

راولپنڈی(اُردو پوائنٹ اخبارتازہ ترین - این این آئی۔ 29 اپریل2026ء) پاکستان میں بھارتی ریاستی دہشت گردی کے ناقابل تردید شواہد منظرعام پر آ چکے ہیں۔فالس فلیگ آپریشنز اور سرحد پار دہشتگردی کے ذریعے اپنی سیاسی ناکامیوں سے توجہ ہٹانا مودی سرکار کا وطیرہ بن چکا ہے، بھارتی تربیت یافتہ دہشتگرد عبدالمجید کی گرفتاری اوراس سے برآمد مواد نے پاکستان میں بھارتی ریاستی دہشتگردی کا پول کھول دیا ہے۔

ایک رپورٹ کے مطابق ڈی جی آئی ایس پی آرنے پہلگام فالس فلیگ کے چند دن بعد بھارتی ریاستی دہشتگردی سے متعلق ناقابل تردید شواہد دنیا کے سامنے پیش کیے، ڈی جی آئی ایس پی آرنے کہا کہ بھارت پاکستان میں دہشتگرد نیٹ ورکس کی سرپرستی کررہا ہے۔انہوں نے کہا کہ 7دن گزرنے کے باوجود بھارت پاکستان پرلگائے گئے بے بنیاد الزامات کا ایک بھی ثبوت پیش کرنے میں ناکام رہا، بھارتی فوج کے حاضرسروس افسران پاکستان میں دہشتگردی کی کارروائیوں کی براہِ راست نگرانی کرتے ہیں۔

(جاری ہے)

ڈی جی آئی ایس پی آر کے مطابق بھارت پاکستان میں دہشتگردوں کوآئی ای ڈیزاوردھماکا خیزمواد فراہم کرکے سکیورٹی فورسزاورعام شہریوں کونشانہ بنا رہا ہے۔ماہرین نے کہاکہ فتنة الخوارج اورفتنة الہندوستان کیدہشتگرد بھارتی سرپرستی میں پاکستان میں دہشتگردانہ سرگرمیوں میں ملوث ہیں، پاکستان دہشت گردوں کی بھارت میں تربیت، علاج سمیت دیگر سہولت کاری کے ناقابل تردید شواہد دنیا بھر کیسامنے رکھ چکا ہے۔