عمران خان کا سیاسی مستقبل سیل کردیا گیا ہے، منیب فاروق کا دعویٰ

پہلے بھی سیل تھا لیکن سپریم کورٹ کے فیصلے نے اب مہر ثبت کردی ہے، ہائیکورٹ سے کیس آئینی عدالت جائے گا اور آئینی عدالت سے وہی فیصلہ ہونا ہے جو ہونا ہے؛ تجزیہ کار کی گفتگو

ساجد علی ہفتہ 25 جولائی 2026 16:32

عمران خان کا سیاسی مستقبل سیل کردیا گیا ہے، منیب فاروق کا دعویٰ

اسلام آباد (اُردو پوائنٹ اخبارتازہ ترین۔ 25 جولائی2026ء) قانون دان اور تجزیہ کار منیب فاروق کے ذریعے ملک کی جاری سیاسی اور قانونی صورتحال پر ایک اور پیغام سامنے آیا ہے، جس میں انہوں نے بانی پی ٹی آئی عمران خان کے سیاسی مستقبل کے حوالے سے بڑا دعویٰ کر دیا۔ تفصیلات کے مطابق ملک کے سیاسی منظر نامے پر تبصرہ کرتے ہوئے منیب فاروق کا کہنا تھا کہ اگرچہ غیب کا علم صرف اللہ تعالیٰ کی ذات کے پاس ہے اور کوئی نہیں جانتا کہ مستقبل میں کیا رونما ہونے والا ہے، لیکن اس وقت دنیاوی اور قانونی طور پر جو حالات و واقعات دکھائی دے رہے ہیں، وہ ایک واضح سمت کی نشان دہی کر رہے ہیں۔

عمران خان کا سیاسی fate سیل کر دیا گیا ہے، پہلے بھی سیل تھا لیکن سپریم کورٹ کے فیصلے نے اب مہر ثبت کر دی ہے، ہائیکورٹ سے کیس آئینی عدالت جائے گا اور آئینی عدالت سے وہی فیصلہ ہونا ہے جو ہونا ہے، منیب فاروق کے ذریعے ایک اور پیغام آ گیا pic.twitter.com/O6ROwqandw
— Ehtsham Kiani (@ehtshamkiani) July 25, 2026

انہوں نے کہا کہ بطور قانون کے طالب علم اور اپنے پاس موجود مصدقہ ذرائع و خبروں کی بنیاد پر وہ یہ بات کہہ رہے ہیں کہ بانی پاکستان تحریک انصاف عمران خان کا سیاسی مستقبل سیل کردیا گیا ہے یعنی عملی طور پر طے ہو چکا ہے، سابق وزیراعظم کا سیاسی مستقبل پہلے بھی ایک مخصوص نہج پر سیل کیا جا چکا تھا، تاہم سپریم کورٹ کے حالیہ فیصلے نے اس پر حتمی مہر ثبت کر دی ہے۔

(جاری ہے)

منیب فاروق کا کہنا ہے کہ موجودہ قانونی حکمت عملی اور طریقہ کار کے تحت اب یہ کیسز اسلام آباد ہائیکورٹ سے آئینی عدالت کی جانب منتقل کیے جائیں گے اور آئینی عدالت سے بھی وہی فیصلہ سامنے آئے گا جس کی توقع کی جا رہی ہے، انہوں نے اشاروں کنایوں میں بات کرتے ہوئے کہا کہ "تھوڑے کو بہت سمجھا جائے" اور اس تمام تر قانونی عمل کے نتیجے میں بانی پی ٹی آئی کے سیاسی مستقبل پر کیا اثرات مرتب ہوں گے، وہ اب کسی سے ڈھکا چھپا نہیں رہا۔