اسپیکر قومی اسمبلی کے چیمبر میں نون اور پیپلزپارٹی کے درمیان پارلیمانی امورپر مشاورت

آئی ایم ایف سے متعلق فنانس کے معاملات پر قانون سازی سے متعلق امور پر بات چیت کی گئی. رپورٹ

میاں محمد ندیم بدھ 30 ستمبر 2026 19:24

اسپیکر قومی اسمبلی کے چیمبر میں نون اور پیپلزپارٹی کے درمیان پارلیمانی ..

اسلام آباد(اردوپوا ئنٹ اخبارتازہ ترین-انٹرنیشنل پریس ایجنسی۔30 ستمبر ۔2026 ) اسپیکر قومی اسمبلی چیمبر میں پاکستان پیپلز پارٹی اور نون لیگ کے درمیان پارلیمانی امور پر مشاورت میں دونوں پارٹی کے رہنما شریک ہوئے نون لیگ کے طارق فضل چوہدری بلال اظہر کیانی وفاقی وزیر قانون اعظم نذیر تارڑ بھی اجلاس میں موجود تھے جبکہ پیپلز پارٹی ارکان شیری رحمان اور نوید قمر اجلاس میں شریک ہوئے.

(جاری ہے)

ذرائع کا کہنا ہے کہ مختلف شعبوں کے سیکرٹری صاحبان کو بھی اسپیکر چیمبر میں بلایا گیا آئی ایم ایف سے متعلق فنانس کے معاملات پر قانون سازی سے متعلق امور پر مشاورت کے ساتھ قومی اسمبلی اجلاس بلانے اورایوان کی کارروائی سے متعلق بھی بات کی گئی. اس سے قبل وفاقی وزیر پارلیمانی امور طارق فضل چوہدری کا کہنا تھا نون لیگ اور پیپلز پارٹی راہنماﺅں کی ملاقات میں موجودہ حالات کے تناظر میں قانون سازی سے متعلق امور زیر غور آئیں گے پیپلز پارٹی نے دہشت گردی کے حوالے سے ہمیشہ بھرپور جنگ لڑی ہے وفاقی حکومت کے پی میں ایمرجنسی نفاذ سے متعلق سنجیدگی سے غور کر رہی ہے.