حکومت اور اپوزیشن غیرمشروط مذاکرات شروع کرکے امن و استحکام کو ایک موقع دیں، خواجہ سعد رفیق

لانگ مارچ رکنا چاہئیے، وقت کی قید کا ہتھوڑا مذاکرات کو سبوتاژ کرسکتا ہے، پی ٹی آئی کے اسیران کیلئے آسانیاں پیدا ہونا چاہئیں، دہشتگردی کیخلاف خیبرپختونخواہ اور وفاقی حکومت کو ایک پیج پر آنا ہوگا، مرکزی رہنماء ن لیگ

ثنااللہ ناگرہ بدھ 7 اکتوبر 2026 00:03

حکومت اور اپوزیشن غیرمشروط مذاکرات شروع کرکے امن و استحکام کو ایک موقع ..

اسلام آباد (اردوپوائنٹ اخبار تازہ ترین۔ انٹرنیشنل پریس ایجنسی۔ 06 اکتوبر 2026ء ) مرکزی رہنماء ن لیگ خواجہ سعد رفیق کا کہنا ہے کہ حکومت اور اپوزیشن غیرمشروط مذاکرات شروع کرکے امن و استحکام کو ایک موقع دیں، لانگ مارچ رکنا چاہئیے، وقت کی قید کا ہتھوڑا مذاکرات کو سبوتاژ کرسکتا ہے۔ ایکس پر اپنے بیان میں خواجہ سعد رفیق نے کہا کہ حکومت اور اپوزیشن غیر مشروط مذاکرات شروع کریں ، جہاں تک معاملات طے ہو گئے تھے اس سے آگے بڑھیں، مذاکرات ٹوٹنے نہیں چاھئیں۔

ہماری معلومات کیمطابق فریقین بات کرنا چاھتے ھیں لیکن شرما رہے ہیں کہ پہل کون کرے۔

یاد رکھیں پہل کرنیوالا زیادہ عزت کمائے گا۔ لانگ مارچ رکنا چاہئیے اور بات چیت کے ابتدائی سیشن کے بعد اسے ملتوی کر کے حتمی فیصلے تک بات چیت جاری رکھی جائے ۔

(جاری ہے)

وقت کی قید کا ہتھوڑا مذاکرات کو سبو تاژ کرسکتا ہے۔ جناب محمود خان اچکزٸ اور وزیر اعلٰی خیبر پختونخواہ کو مذاکراتی ٹیم کا حصہ ھونا چاھئیے ، حکومتی ٹیم میں جناب اسحاق ڈار کا اضافہ مثبت تاثر پیدا کرے گا ۔

خواجہ سعد رفیق نے کہا کہ دہشت گردی کیخلاف مرکزی حکومت اور خیبر پختونخواہ حکومت کو ایک پیج پر آنا ہوگا ، سیاسی مصلحتیں بالاۓ طاق رکھی جائیں۔

حکومت اور اپوزیشن غیر مشروط مذاکرات شروع کریں

جہاں تک معاملات طے ھو گئے تھے اس سے آگے بڑھیں
مذاکرات ٹوٹنے نہیں چاھئیں ۔۔۔!
ھماری معلومات کیمطابق فریقین بات کرنا چاھتے ھیں لیکن شرما رھے ھیں کہ پہل کون کرے !!!
یاد رکھیں پہل کرنیوالا زیادہ عزت کماۓ گا ۔۔

لانگ مارچ رکنا چاھئیے…
— Khawaja Saad Rafique (@KhSaad_Rafique) October 6, 2026

عوام اور سیکیورٹی اداروں پر حملے کرنیوالے پاکستان کے دشمن ھیں ، ان سے مشترکہ دشمن جیسا سلوک کیا جائے۔ پی ٹی آئی کے اسیران کیلئے آسانیاں پیدا ہونا چاہئیں لیکن اس کا راستہ عقل اور تدبر سے ہی نکل سکتا ہے۔ خیبر پختونخواہ حکومت کو وفاق سے شدید سیاسی اختلاف کے باوجود ریاست اور دہشت گردوں میں سے ریاست کا انتخاب کرنا ہوگا۔ اسی طرح وفاق کو دھشت گردی کا صفایا کرنے کیلئے سیاسی مخالفین کے ساتھ نرمی کا برتاؤ کرنا ہوگا ۔ امن اور استحکام کو ایک موقع اور دیا جائے۔