دولت اسلامیہ کا خالق بھی امریکا افواہیں پھیلنے لگیں،عراق میں دولت اسلامیہ امریکا کی ہی تخلیق ہے، لبنان میں ایک کانسپرنسی تھیوری گردش کر رہی کہ دولتِ اسلامیہ کو خود امریکا نے بنایا ہے‘ ان سازشی نظریات کو ہیلری کلنٹن کی حالیہ کتاب سے مزید تقویت ملی
بیروت (اُردو پوائنٹ اخبار آن لائن۔15اگست۔2014ء ) وسطی بیروت میں ایک لبنانی اہلکار نے کہا ہے کہ مشرق وسطیٰ میں سازشی نظریہ ہمارے خون میں شامل ہے۔ اس کا اشارہ اس افواہ کی جانب تھا کہ عراق میں داعش یا دولت اسلامیہ نامی شدت پسند گروہ کے پیچھے امریکی ہاتھ ہے اور اس کا اعتراف سابق امریکی وزیر خارجہ ہیلری کلنٹن نے اپنی کتاب ، ہارڈ چوائسز میں کیا ہے۔
عالمی میڈیا کے مطابق گزشتہ ہفتے دولتِ اسلامیہ کے جنگجووں نے شامی سرحد کے قریب لبنانی گاوں ارسال میں داخل ہو کر سینکڑوں مکینوں کو گھر بار چھوڑنے پر مجبور کر دیا۔ ان کے اس عمل کی ذمہ داری امریکا پر ہونے کی افواہیں اڑنے لگیں۔ لبنانی فوجوں کے خلاف دولتِ اسلامیہ کی کارروائیوں کی ویڈیوز انٹرنیٹ پر دکھائی جانے لگیں۔(جاری ہے)
اس کے ساتھ یہ خیال بھی عام ہونے لگا کہ امریکا اس گروہ کی تشکیل کا ذمہ دار ہے۔
ہیلری کی کتاب کے مبینہ سکرین شاٹ سماجی رابطوں کی ویب سائٹوں پر پھیل رہے ہیں۔ ان میں دعویٰ کیا گیا ہے کہ امریکا نے دولتِ اسلامیہ کو خطے میں بدامنی کے لیے تیار کیا ہے تاکہ امریکی مفادات پورے ہو سکیں۔ یہ افواہ اس قدر عام ہو گئی ہے کہ لبنانی وزارت خارجہ نے امریکی سفیر ڈیوڈ ہیل کو بھی طلب کر لیا۔ معاملہ اس قدر سنگین ہو گیا کہ بیروت میں امریکی سفارت خانے کو اس سلسلے میں ایک خصوصی بیان جاری کرنا پڑا جس میں اس کی شدید تردید کی گئی۔
امریکی تاریخ میں ایسے بہت سے واقعات ہیں جہاں امریکا نے مسلح گروہوں کی حمایت کی ہو جیسے کہ افغان مجاہدین جن کی کوکھ سے القاعدہ نے جنم لیا۔ اس کے علاوہ مشرقِ وسطیٰ میں امریکی اتحادیوں پر بھی دولتِ اسلامیہ کی حمایت کا الزام ہے جس کی وجہ سے اس افواہ کو مزید تقویت ملتی ہے۔مزید متعلقہ خبریں پڑھئیے :
متعلقہ عنوان :
