سری لنکا میں مٹی کے تودے گرنے سے100 افراد ہلاک،300 لاپتہ،امدادی کارروائیوں میں تمام وسائل بروئے کار لا کر ریسکیو آپریشن تیز کیا جائے، سری لنکن صدر

جمعرات 30 اکتوبر 2014 06:08

کولمبو(اُردو پوائنٹ اخبار آن لائن۔30اکتوبر۔2014ء ) سری لنکا میں شدید بارشوں کے بعد مٹی کے تودے گرنے سے 100 افراد ہلاک جب کہ 300 سے زائد لاپتہ ہوگئے۔ میڈیا رپورٹ کے مطابق سری لنکن قدرتی آفات نے بتایا ہے کہ چائے کی پیدوار کرنے والے علاقے کوس لانڈ ا میں طوفانی بارشوں نے تباہی مچادی اورشدید بارشوں کے بعد مٹی کے تودے کی زد میں کئی کئی دیہات آگئے جس کے نتیجے میں تقریباً 100 افراد ہلاک اور 300 سے زائدلاپتہ ہیں۔

(جاری ہے)

حکام کا کہنا ہے کہ اس آفت سے نمٹنے کے لئے سیکڑوں فوجی امدادی کارروائیوں میں مصروف ہیں اور مٹی تلے دبے لوگوں کو نکالنے کی کوششیں کی جارہی ہیں۔ہنگامی سیل کے ترجمان کا کہنا تھا کہ مٹی تلے دبے افراد کے زندہ بچ جانے کے امکانات بہت کم ہیں تاہم ان کی تلاش کے لیے کوشیں کی جارہی ہیں۔ ان کا کہنا تھا کہ 140 سے زائد گھر مٹی کے تلے دبے اور یہاں زیادہ تر وہ خاندان ا??باد تھے جو چائے کی کاشت کاری کیا کرتے ہیں۔دوسری جانب سری لنکن صدر نے فوج کو ہدایت کی ہے کہ امدادی کارروائیوں میں تمام وسائل بروئے کر ریسکیو آپریشن کو مزید تیز کیا جائے جب کہ فوجی حکام کہنا ہے کہ شدید بارشوں کے باعث سڑکیں ٹوٹ پھوٹ کا شکار ہیں جس کی وجہ سے بھاری مشینری کو لانے میں مشکلات کا سامنا ہے۔