ایفی ڈرین کیس ،موسی گیلانی سمیت 11 ملزمان پر فرد جرم عائد کرنے کے خلاف درخواست دائر

بدھ 3 مئی 2017 23:28

اسلام آباد ۔ (اُردو پوائنٹ اخبار آن لائن۔ جمعرات 4 مئی 2017ء) ایفی ڈرین کیس میں سابق وزیراعظم یوسف رضا گیلانی کے بیٹے سمیت 11 ملزمان پر فرد جرم عائد کرنے کے خلاف اسلام آباد ہائی کورٹ میں درخواست دائر کر دی گئی ہے ۔بدھ کو انسداد منشیات کی عدالت کے فیصلے کے خلاف انصر فاروق نے اسلام آ باد ہائی کورٹ میں درخواست دائر کرتے ہوئے موقف اختیار کیا کہ انسداد منشیات کورٹ کا 21اپریل 20017ء کوموسی گیلانی سمیت دیگر ملزمان پر فرد جرم عائد کرنا غیر قانونی اور غیر آئینی ہے۔

(جاری ہے)

ڈرگ ایکٹ کے تحت لگائے گئے الزامات بے بنیادہیں۔سیکرٹری وزارت نارکوٹکس کنٹرول اور تفتیشی آفیسر اینٹی نارکوٹکس فورس نے ضابطہ اخلاق اور قانون کے خلاف عمل کیا۔قانونی اور آئینی مسئلے پر اسلام آباد ہائی کورٹ انصاف فراہم کرے ۔ چیف جسٹس اسلام آباد ہائی کورٹ درخواست کی سماعت کے لیے جسٹس اطہر من اللہ اور جسٹس محسن اختر کیانی پر مشتمل ڈویژن بینچ تشکیل دے دیا ہے جو کہ (آج )جمعرات سے کیس کی سماعت کرے گا ۔انسداد منشیات عدالت نے موسی گیلانی اور مخدوم شہاب الدین سمیت 11 افراد کی خلاف فرد جرم عائد کی تھی۔

Facebook Twitter Google + Share on Whatsapp

ایفی ڈرین کیس ،موسی گیلانی سمیت 11 ملزمان پر فرد جرم عائد کرنے کے خلاف درخواست دائر

جمعرات 4 مئی 2017 کی مزید خبریں