انسان زمین پر کہیں اور سے آئے،نئی امریکی تحقیق

انسان کی پیدائش کسی سیار ے پر ہوئی اوروہاں سے زمین پر آئے،رپورٹ

جمعہ 28 جولائی 2017 16:26

واشنگٹن(اُردو پوائنٹ اخبار آن لائن۔ ہفتہ 29 جولائی 2017ء)سائنس نے آخر کار 1400 سال پرانی اس بات کو تسلیم کرلیا ہے کہ انسان کی پیدائش زمین پر نہیں ہوئی بلکہ وہ کہیں اور سے اس سیارے پر آئے۔میڈیارپورٹس کے مطابق یہ بات امریکا میں ہونے والی ایک تحقیق میں سامنے آئی۔نارتھ ویسٹرن یونیورسٹی کی تحقیق میں بتایا گیا کہ انسانوں کی تخلیق ایسے عناصر سے ہوئی ہے جو زمین پر نہیں پائے جاتے بلکہ اربوں میل دور تیرنے والی کہکشاں (مِلکی وی) سے تعلق رکھتے ہیں۔

تحقیق کے مطابق ہمارے ارگرد اور ملکی وے میں موجود سب کچھ ماورائے کہکشانی عناصر سے تخلیق پایا۔اس تحقیق کے لیے کمپیوٹر ماڈلز کا استعمال کرکے جانا گیا کہ ہماری کہکشاں میں پائے جانے والے مادے کا نصف حصہ دور دراز واقع کہکشائوں سے تعلق رکھتا ہے۔

(جاری ہے)

آسان الفاظ میں سائنسدانوں نے تسلیم کیا کہ انسان جن عناصر سے بنے ہیں اور جس کے نتیجے میں زندگی کا آغاز ہوا، وہ کائنات میں کہیں دور دراز واقع ہے۔

اور یہ بتانے کی ضرورت نہیں کہ اسلامی تعلیمات میں واضح کیا جاچکا ہے کہ انسان کی تخلیق جنت میں ہوئی تھی جہاں سے اسے بے دخل کرکے زمین پر بھیجا گیا۔اب سائنس نے بھی جزوی حد تک اس حقیقت کو تسلیم کرلیا ہے۔محققین کے مطابق ہماری تشکیل جن عناصر سے ہوئی وہ شاید دیگر کہکشائوں سے آئی، اس طرح ہم خود کو خلائی مہاجر بھی تصور کرسکتے ہیں۔ان کا مزید کہنا تھا کہ تحقیق کے نتائج کہکشائوں کی تشکیل کے حوالے سے ہمارے علم کو بدلنے کا باعث بنی اور نئے ماڈل کے نتائج کے اطلاق سے معلوم ہوتا ہے کہ ہم اس اپنی کہکشاں سے تعلق نہیں رکھتے بلکہ دیگر کہکشائوں سے یہاں آئے۔

Facebook Twitter Google + Share on Whatsapp

انسان زمین پر کہیں اور سے آئے،نئی امریکی تحقیق

انسان کی پیدائش کسی سیار ے پر ہوئی اوروہاں سے زمین پر آئے،رپورٹ

ہفتہ 29 جولائی 2017 کی مزید خبریں