پاکستان تنہا ہورہاہے ،اتنی زیادہ غلامی کرنے کے باوجود امریکہ کشمیر پر بھارت کے ساتھ کھڑاہے ‘ سراج الحق
آج ہمارے سرکاری وفد کو بھی امریکہ کا ویزا دینے سے انکار کر دیا گیا ، پرویز مشرف اور پاکستانی حکمرانوں نے ملکی مفاد کے بجائے ہمیشہ امریکی مفادات کا تحفظ کیا ہے ، موجودہ حکمرانوں نے مشرف کی پالیسی کا تسلسل جاری رکھا ہواہے ‘منصورہ میں کارکنان کی تربیتی ورکشاپ سے خطاب
اتوار 12 فروری 2017 18:41
لاہور(اُردو پوائنٹ اخبارآن لائن۔13فروری۔2017ء)امیر جماعت اسلامی پاکستان سینیٹر سراج الحق نے کہا ہے کہ اس وقت پاکستان مشکل دور سے گزررہاہے ، پاکستان کی داخلی و خارجہ پالیسی ناکام ہے ،پاکستان تنہا ہورہاہے ،امریکہ کی اتنی زیادہ غلامی کرنے کے باوجود امریکہ کشمیر پر بھارت کے ساتھ کھڑاہے ۔ آج ہمارے سرکاری وفد کو بھی امریکہ کا ویزا دینے سے انکار کر دیا گیا ہے ، پرویز مشرف اور پاکستانی حکمرانوں نے ملکی مفاد کے بجائے ہمیشہ امریکی مفادات کا تحفظ کیا ہے ، موجودہ حکمرانوں نے مشرف کی پالیسی کا تسلسل جاری رکھا ہواہے ، موجودہ حکمرانوں کی پالیسیوں نے آج عوام کو غربت کے گڑھوں میں دھکیل دیاہے ،پاکستان کا پاسپورٹ ان کی وجہ سے بدنام ہواہے ۔
ان خیالات کا اظہار انہوں نے منصورہ میں جماعت اسلامی کی مرکزی تربیت گاہ کے شرکاء سے خطاب اور میڈیا کے نمائندوں کے سوالوں کے جواب دیتے ہوئے ہوئے کیا ۔(جاری ہے)
تربیت گاہ میں ملک بھر سے ایک ہزار کے قریب کارکنان شریک ہیں ۔سینیٹر سراج الحق نے کہاکہ ہماری حکومت آج کرپشن چھوڑنے اور قوم کی لوٹی ہوئی دولت سرکاری خزانے میں جمع کرانے کا اعلان کرے تو ہمارے بہت سے مسائل حل ہوسکتے ہیں ۔
حکمرانوں کی وجہ سے ملک معیشت تباہ ہے ۔ حکمرانوں کے اپنے کارخانے دن رات ترقی کررہے ہیں لیکن ہماری سٹیل مل ، پی آئی اے اور دوسرے ادارے تباہ اور خسارے میں جارہے ہیں ۔ حکمرانوں کی نیت ٹھیک نہیں ہے جس کی وجہ سے برکت اٹھ گئی ہے ۔ ہمارے ملک میں معدنیات ، وسائل اور صحت مند نوجوانوں کی کمی نہیں ہے ۔ حکمران ملک کے مفادات کے بجائے اپنے مفادات کا سوچتے ہیں ۔ انہوں نے کہاکہ پاکستان اور کرپشن ساتھ ساتھ نہیں چل سکتے ۔ ہم نے سپریم کورٹ میں اپیل دائر کی ہے کہ وزیراعظم سے پوچھا جائے کہ ان کے پاس اتنی دولت کہاں سے آئی ہے وہ اس کا جواب دینے کے بجائے قطری شہزادے کے خطوط پیش کرتے ہیں ۔ ان کے پاس خطوط بنانے کا کوئی کارخانہ ہے ۔ شہزاد ے کے خطوط ان کو نہیں بچا سکتے ۔ انہوں نے کہاکہ عوام نے ان کو مینڈیٹ دیاہے وہ ان سے پوچھ سکتے ہیں کہ دولت کہاں سے آئی ہے ۔ حکمرانوں کا احتساب ضروری ہے اگر آج احتساب نہ ہوا تو کبھی نہیں ہوگا ۔ پہلے وزیراعظم کا احتساب ہو اس کے بعد پانامہ میں جن کے نام آئے ہیں ان سب کا احتساب ہو ۔ ہمارے بیرون ملک مقیم لوگ اپنی دولت پاکستان بھیجتے ہیں ، ان کی بھیجی ہوئی دولت حکمران اللے تللوں میں خرچ کرتے ہیں ۔ انہوں نے کہاکہ حکمران باہر جا کر پاکستان میں سرمایہ کاری کی اپیلیں کرتے ہیں لیکن ان کے اپنے کاروبار بیرون ملک ہیں ۔ انہوں نے کہاکہ ان کا جو پیسہ باہر ہے اسے پاکستان لایا جائے تو ہمارے تمام مسائل ختم اور قرض ادا ٰہوسکتے ہیں ۔ انہوں نے کہاکہ اب احتساب اس قوم کا نعرہ ہے ۔ ہم اس مہم کو آخری حد تک لے کر جائیں گے اور پیچھے نہیں ہٹیں گے ۔ انہوں نے کہاکہ عام اور غریب آدمی ٹیکس بھی دیتاہے ، سرخ بتی کا احترام بھی کرتاہے لیکن وی آئی پی نہ ٹیکس دیتے ہیں نہ سرخ بتی کا احترام کرتے ہیں ۔ ان کی پانی کی ٹینکیوں سے بھی کرپشن کے کروڑوں روپے برآمد ہوتے ہیں ۔ کرپٹ مافیا اور عوام کے درمیان لڑائی ہے ،انشاء اللہ اس میں کرپشن ہار جائے گی اور قوم جیت جائے گی ۔ایک سوال کے جواب میں سراج الحق نے کہاکہ اگرماضی میں کہیں اتحاد ہواہے تو اس کا یہ مطلب نہیں ہے کہ ہم حکمرانوں کی کرپشن کو چھوڑدیں گے ۔ ہم نے ن لیگ کے سپیکر کو ووٹ دیاتھا ، کرپشن کو نہیں دیا تھا۔ ہمیں بیماری سے نفرت ہے بیمار سے نہیں ہے ۔ ایک اور سوال کے جواب میں انہوں نے کہاکہ میں تابوتوں کی سیاست پر یقین نہیں رکھتا جو لوگ تابوت کی بات کرتے ہیں وہ صحیح نہیں ہے ۔ ایک اور سوال کے جواب میں امیر جماعت نے کہاکہ ججوں نے اپنے کمنٹس میں بھی ہماری تحسین کی ہے یہی پنچ فیصلہ کرے ۔ ججز نے اپنے کمنٹس میں کہاہے کہ وہ خود اس کیس کا فیصلہ کریں گے ۔ ہم ہر پیشی پر کورٹ جاتے ہیں اور سپریم کورٹ سے امید کرتے ہیں کہ وہ جلد فیصلہ کرے گی ۔پیر 13 فروری 2017 کی مزید خبریں
-
آرمی چیف کا جنوبی وزیرستان ایجنسی کا دورہ ،ْ آپریشنل کامیابیوں ،ْ ترقیاتی کاموں اور بہتر بارڈرز سکیورٹی مینجمنٹ کیلئے اقدامات پر اطمینان کا اظہار
-
18ء تک 10 ہزار میگاواٹ بجلی سسٹم میں شامل ہو جائے گی ‘ آئندہ سال ملک سے لوڈ شیڈنگ کا مکمل خاتمہ ہو جائیگا‘اسحاق ڈار
-
پاکستان تنہا ہورہاہے ،اتنی زیادہ غلامی کرنے کے باوجود امریکہ کشمیر پر بھارت کے ساتھ کھڑاہے ‘ سراج الحق
-
اسپیشل آپریشنز فورسز متحد ہو کر دنیا میں امن قائم کر سکتی ہیں، بحری مشق ’’امن 2017ء‘‘ ایک اچھا پلیٹ فارم ہے ، کمانڈرملیشین اسپیشل آپریشن فورس
-
’’وزیراعلیٰ خود روزگارسکیم‘‘ ،13لاکھ خاندانوں میں ساڑھے 26ارب روپے کے بلاسود قرضے تقسیم
-
باجوڑ ایجنسی،سڑک کنارے نصب بم پھٹنے سے 5 سکیورٹی اہلکار زخمی
-
متحدہ بانی کے ریڈ وارنٹ ،ایف آئی اے (آج)انٹر پول کو خط لکھے گی
-
پاکستان میں سروے بین الاقوامی معیاراور قوانین کے مطابق کیا گیا ،ْاعتراض اور تنقید بے بنیاد ہے ،ْ آئی آر آئی
-
مقبوضہ کشمیر ، بھارتی فوجیوں نے کولگام میں8کشمیریوں کوشہید کر دیا
-
کراچی، پولیس وین پر کریکرحملہ، پولیس اہلکار بال بال بچ گئے
-
پانامہ کیس پرآئندہ دوہفتوں میں فیصلہ متوقع ،کیس کے فیصلے کے بعدانتخابی مہم کوتیزکردیں گے ، عمران خان
-
وزارت خزانہ کا مردم شماری کیلئے اضافی فنڈز ہنگامی بنیادوں پر دینے عندیہ
-
نیشنل ایکشن پلان میں حافظ سعید کا کہیں بھی ذکر نہیں تھا: چودھری شجاعت حسین
-
ہماری سوچ انتہا پسندانہ نہیں،تمام قوانین قرآن و سنت کے مطابق ہونے چاہئیں، مولانا فضل الرحمن
-
سپریم کورٹ کے پابندی کے فیصلے کے باوجود شریف فیملی کی شوگرملیں چل رہی ہیں، تحریک انصاف پنجاب
-
مقبوضہ کشمیر میں کسی بھی قسم کی دہشت گردی نہیں، آزادی کی تحریک اور جدوجہد کی جا رہی ہے،صدر آزادکشمیر
-
سپریم کورٹ :پانچ بنچ آج سے مختلف مقدمات کی سماعت کریں گے
-
جنوبی فلپائن میں آفٹرشاکس کا سلسلہ جاری ،ہزاروں شہریوں نے سڑکوں پر پناہ لے لی
-
آسٹریلیا، ایک شخص پر غیرملکی خاتون سیاح کے مبینہ اغواء اور ریپ پر فرد جرم عائد
-
بیلجیئم، نجی گاڑیوں کے میلے کے دوران کاربن مانواکسائیڈ گیس کے اخراج سے 70 کے قریب افراد کی حالت غیر ہوگئی،5 بے ہوش
-
آسٹریلیا،داعش کا رکن ببنے والے شخص کی شہریت ختم کردی گئی
-
پیرس،سیاہ فام شخص پر حملے کیخلاف مظاہرہ،پولیس کا آنسو گیس کا استعمال
-
ترک حکام نے یورپ میں حملوں کی منصوبہ بندی کے شبہ میں دو غیر ملکی گرفتار کرلئے
-
تیونس، سیکورٹی فورسز نے چھ رکنی دہشتگرد سیل کا سراغ لگا لیا
-
رافیل نڈال کے کوچ اور چچا کا ٹوو ر پر ساتھ نہ جانے کا اعلان ، فیصلہ سازی میں نظر انداز کئے جانے کا الزام
-
شامی حکو مت اور باغیوں کے مابین آئندہ ہفتے آستانہ میں امن مذاکرات ہونگے
-
جرمنی کے سابق وزیرخارجہ فرینک والٹر سٹینمےئر نئے رسمی سربراہ مملکت منتخب ہونے کیلئے تیار
-
شیخ رشید نے نواز شریف کے سابقہ دور حکومت میں جعلی سروے کرانے کا اعتراف کرلیا
-
صوبائی وزیر صحت خواجہ عمران نذیر اور ادویات کی ریٹلرز ایسوسی ایشن کے مابین اجلاس
-
پی ٹی آئی نے صوبے اور غریب عوام کو کرپٹ مافیا کے چنگل سے آزادکیا ،پرویز خٹک
-
الیکشن کمیشن ، 1کروڑ21لاکھ سے زائد خواتین بطور ووٹر رجسٹرڈ نہ ہوسکیں ، منصوبے کاغذوں تک محدود
-
کندوال، نماز جنازہ پڑھ کر واپسی پر موٹرسائیکل سواروں کو بس نے کچل دیا، دو افراد جاں بحق ، ڈرائیور فرار
-
سبی اجتماع سے واپسی پر دونوجوان ڈوب کر جاں بحق
-
شاہ کوٹ،دہشت گردی کا بڑا خطرہ ٹل گیا
-
بھکر: جانوروں اورمردہ مرغیوں کی چربی سے مکھن تیارکرنے والی فیکٹری پرچھاپہ، ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.