- Home
- Health
- Health News
- عمران خان کا خیبر پختونخوا میں پولیو مہم کا افتتاح ،نوشہرہ میں بچوں کو پولیو قطرے پلائے،پولیو ..
عمران خان کا خیبر پختونخوا میں پولیو مہم کا افتتاح ،نوشہرہ میں بچوں کو پولیو قطرے پلائے،پولیو کو روکنے کیلئے قدم نہ اٹھایا تو اس کے پھیلنے کا خطرہ ہے ،عوام بچوں کو قطرے پلانے کی ذمہ داری پوری کریں،عمران خان ،پولیو ورکرز مجاہد ہیں،حملے کرنیوالے انسانیت ،اسلام اور پاکستانیوں کیساتھ انصاف نہیں کر رہے، خیبر پختونخوا پولیس کو خراج تحسین پیش کرتے ہیں،شہداء کے لواحقین کو تنہا نہیں چھوڑیں گے ،وفاقی حکومت ڈرون حملے بند کرائے ،جب تک حملے ہوتے رہیں گے امن کا قیام ممکن نہیں،طالبان بھی امن کیلئے مذاکرات کی طرف آئیں،مولانا سمیع الحق طالبان سے مذاکرات کرنے کا کہا ہے،تقریب سے خطاب/میڈیاسے با ت چیت
بدھ 18 دسمبر 2013 19:06
(جاری ہے)
عمران خان،جہانگیر ترین اور وزیراعلیٰ پرویز خٹک نے اس موقع پر بچوں کو پولیو قطرے پلا کر مہم کا افتتاح کیا۔
اپنے خطاب میں عمران خان نے کہا کہ اگر پولیو کی بیماری کو نہ روکا گیا تو بچوں کا مستقبل محفوظ نہیں۔اسی طرح خیبر پختونخوا سے باہر کام کیلئے جانیوالے بھائیوں کو کسی ملک کا ویزہ بھی نہیں ملے گا۔انھوں نے کہا کہ عوام کی ذمہ داری ہے کہ بچوں کا مستقبل محفوظ بنائیں،پوری دنیا سے پولیو ختم ہو چکا پاکستان اور چند ایک ملکوں میں باقی ہے اگر ہم نے اگلے تین مہینے بھرپور پولیو مہم چلائی تو صوبے اور ملک کو اس بیماری سے نجات دلا سکتے ہیں۔انھوں نے کہا کہ پولیو ورکرز مجاہد ہیں جن مشکل حالات میں وہ ڈیوٹی کر رہے ہیں اس میں ان کیساتھ کھڑے ہیں۔انھوں نے کہا کہ پولیو ورکرز اور ان کی حفاظت پر مامور پولیس اہلکاروں کو خراج تحسین پیش کرتے ہیں۔قبل ازیں عمران خان نے پشاور میں گزشتہ روز بم ڈسپوزل سکواڈ کے شہید ہونیوالے اہلکار کاشف کے گھر پر ان کے رشتہ داروں سے تعزیت اور فاتحہ خوانی کی،اس موقع پر دیگر دو شہداء عبدالحق اور امین الحق کے لواحقین بھی موجود تھے جبکہ وزیر اعلیٰ پرویز خٹک، جہانگیر ترین،ایم پی اے اشتیاق ارمڑ،مشیر ضیا ء اللہ آفریدی ،ایم پی اے فضل الہیٰ اور آئی جی پولیس ناصر درانی بھی موجودتھے ۔اس موقع پر میڈیا سے بات کرتے ہوئے عمران خان نے خیبر پختونخوا پولیس کو بھرپور قربانیوں اور حوصلے پر خراج تحسین پیش کیا اور کہا کہ صوبائی حکومت شہداء کے لواحقین کو تنہا نہیں چھوڑے گی ۔انھوں نے کہا کہ ڈرون حملے روکے بغیر ملک میں امن لاناممکن نہیں ۔جب تک ڈرون بند نہیں ہونگے امن کیلئے مذاکرات شروع نہیں ہو سکتے۔انھوں نے طالبان سے بھی اپیل کی کہ امن کیلئے مذاکرات کی طرف آئیں۔عمران خان نے کہا کہ ساٹھ سال سے مسئلہ کشمیر کے حل کیلئے بھارت سے مذاکرات جاری ہیں۔نو سالوں میں ہم نے مذاکرات نہ کئے اور آپریشن جاری رکھا جس کی وجہ سے طالبان کے ایک گروپ سے 55گروپس بن گئے ۔انھوں نے کہا کہ مذاکرات کی بات سب سیاسی جماعتوں نے کی ،ابھی مذاکرات شروع بھی نہیں ہوئے تھے کہ امریکہ نے انہیں ڈرون حملے کے ذریعے سبوتاژ کر دیا۔انھوں نے کہا کہ وفاقی حکومت ڈرون حملے فوری بند کروائے ،ڈرون حملوں کے ہوتے ہوئے امن کا قیام ممکن نہیں۔عمران خان نے نوشہرہ میں مولانا سمیع الحق سے بھی ملاقات کی جس کے بعد میڈیا کے سوالات کے جواب دیتے ہوئے ان کا کہنا تھا کہ مولانا سمیع الحق سے بھی کہا ہے کہ وہ اپنا اثر و رسوخ استعمال کر کے طالبان سے مذاکرات کریں۔انھوں نے کہا کہ ہم نے نیٹو سپلائی ملک میں امن کے قیام کیلئے روکی ہوئی ہے ۔جب تک امن نہیں آئیگا ملک میں سرمایہ کاری،ترقی اور روزگار نہیں آئیگا۔انھوں نے کہا کہ ڈرون روکنے کیلئے خیبر پختونخوا حکومت پورا پریشر ڈال رہی ہے لیکن پتہ نہیں وفاقی حکومت کیا کر رہی ہے ۔مہنگائی کے بارے میں سوال کے جواب میں انھوں نے کہا کہ بجلی ،پٹرول،گیس سب وفاقی حکومت مہنگا کر رہی ہے ،اسی طرح نوٹ بھی وفاقی حکومت چھاپ رہی ہے جس کی وجہ سے مہنگائی بڑ ھ رہی ہے ۔انھوں نے کہا کہ بجلی وفاقی مسئلہ ہے شہبا ز شریف مینا ر پاکستان پر پنکھا اس لئے جھلتے تھے کہ وہ ظاہر کر سکیں بجلی وفاقی مسئلہ ہے صوبائی نہیں۔خیبر پختونخوا میں صوبائی سطح پر تبدیلی آئی ہے ،ہر مہینے نئی تبدیلیاں آ رہی ہیں،پولیس،پٹواری سمیت تمام نظام میں مثبت تبدیلی جاری ہے ،ہمارا لوکل گورنمنٹ نظام بھی سب سے بہترین ہے ۔Browse Latest Health News in Urdu
ڈریپ نے معدے کے علاج کی دوا کا ایک بیچ غیر معیاری قرار دے دیا
ڈاؤ یونیورسٹی نے کتے کے کاٹے کی ویکسین اینٹی ریبیز ویکسین" ڈاؤ ریب" تیار کرلی
پاکستان میں مقامی طور پر انسولین کی پیداوار شروع کرنے کا مطالبہ
موٹاپے کے سبب کم عمر لڑکیوں میں جوڑوں کی تکلیف کا انکشاف
سائنسدانوں نے پاکستان میں کوویڈ-19 کے انفیکشن سے کم نقصانات ہونےکی وجوہات ظاہرکردیں
پاکستان میں پہلی بارایک جگر کی دو مریضوں میں پیوندکاری اورلبلبے کی ٹرانسپلانٹ کا کامیاب تجربہ
6 گھنٹے سے کم کی نیند ذیا بیطس کے اضافی خطرات کا سبب قرار
ہومیو پیتھک طریقہ علاج سے ہزاروں مریض بغیر آپریشن کے شفا یاب ہو رہے ہیں ، صدرڈاکٹرخادم حسین کھیڑا
’’ پنز‘‘مفت ادویات کی فراہمی میں صوبے کے سرکاری ہسپتالوں میں پہلے نمبر پرآگیا
ہارٹ اٹیک کے مریضوں کیلئے پہلا گھنٹہ انتہائی اہم ہوتا ہے،بروقت علاج سے زندگی بچائی جاسکتی ہیں، ایم ..
میو ہسپتال میں گردوں کی پتھریوں کیلئے جدید طریقہ علاج پی سی این ایل اپنا لیا گیا
دوگھنٹے سے زیادہ سمارٹ فون اور ڈیوائسزکا استعمال آپ کو توجہ کی کمی‘ جینیاتی عارضے اور مسلسل ذہنی خلفشار ..
سول ہسپتال میں جدید طبی سہولیات کی فراہمی کا عزم، ڈی سی جہلم نے جدید ترین آپریشن تھیٹر کا افتتاح کر دیا
پنجاب میں 24 گھنٹوں کے دوران نمونیا سے مزید 5 بچے دم توڑ گئے
پاکستان میں ایک کروڑستر لاکھ سے زائد لوگ گردوں کے امراض میں مبتلا ہیں
سرکاری ہسپتالوں میں سی ٹی سکین سروسزکی آؤٹ سورسنگ کے معاہدے پردستخط
2050 تک ذیابیطس کے مریضوں کی تعداد ایک ارب 30 کروڑتک پہنچ سکتی ہے
پاکستان بھر میں آج کل لوگوں کے بیمار ہونے کا سبب بننے والے مرض کی نشاندہی کر دی گئی
وزن کو کنٹرول کرنے کیلئے زیتون کا تیل انتہائی موثر ہے،ڈاکٹر محمد احمد سندھو
برطانیہ ،چھینک روکنے کی کوشش پرنوجوان کی سانس کی نالی پھٹ گئی
30 سال میں امراض قلب سے اموات 60 فیصد بڑھ گئیں
شادی کے بعد ہائی بلڈ پریشر کا خطرہ بڑھ جاتا ہے، تحقیق
24 گھنٹے کے دوران صوبے بھر میں 64نئے مریضوں میں ڈینگی کی تصدیق
کراچی ٹائون پلاننگ سے محروم ملک کا سب سے بڑا شہر