عمران خان اور بیر سٹر سلطان محمود چوہدری کی قیادت میں انصاف اور احتساب کا نظام قائم کریں گے ‘میثاق جمہوریت دراصل معاہدہ کرپشن تھا میرپور کی غیور عوام نے نواز، زرداری گٹھ جوڑ اور مفاہمتی پالیسی کو خاک میں ملاکر میرپور سلطانی کی پگ ایک بار پھر بیرسٹر کے سر رکھ دی ہے ‘ضمنی الیکشن میں تحریک انصاف نے وفاق ، سندھ اور پنجاب کی حکومتوں کو شکست سے دو چار کر کے انقلاب کی بنیاد رکھ دی ہے

کھوئی ر ٹہ( اُردو پوائنٹ اخبار تازہ ترین۔یکم اپریل۔2015ء) تحریک انصاف کے مرکزی رہنما امیدوار اسمبلی و سابق وزیر صحت چوہدری محمد رفیق نےئر نے کہا کہ عمران خان اور بیر سٹر سلطان محمود چوہدری کی قیادت میں انصاف اور احتساب کا نظام قائم کریں گے ‘میثاق جمہوریت دراصل معاہدہ کرپشن تھا میرپور کی غیور عوام نے نواز، زرداری گٹھ جوڑ اور مفاہمتی پالیسی کو خاک میں ملاتے ہوئے میرپور سلطانی کی پگ ایک بار پھر بیرسٹر کے سر رکھ دی ہے ضمنی الیکشن میں تحریک انصاف نے وفاق ، سندھ اور پنجاب کی حکومتوں کو شکست سے دو چار کر کے انقلاب کی بنیاد رکھ دی ہے ۔

وہ بدھ کو کھوئی رٹہ میں بیر سٹر سلطان محمود چوہدری کی کامیابی پر نکالی گئی ایک بہت بڑی ریلی سے خطاب کررہے تھے۔

(جاری ہے)

ریلی میں کرجائی ، دھناں ، کھوڑ ، گیائیں ، گجیاڑی ، سیری ، بھروٹ گالہ و دیگر علاقوں سے ہزاروں افراد نے شرکت کی چوہدری محمد رفیق نےئر نے کہا کہ آزاد کشمیر میں تبدیلی کے لیے پہلی اینٹ رکھ دی گئی ہے انشاء اللہ دوسری اینٹ کھوئی رٹہ میں رکھی جائے گی مجید حکومت نے دو ارب روپے کے منصوبوں کے اعلانات 48 روزہ ریاضت اور جعلی تقرریوں کے باوجود ضمنی انتخابات میں بری طرح شکست کھائی عنقریب کشمیر کی جان ظالم ، جابر قیادت سے چھوٹ جائے گی خطہ میں تحریک انصاف کی حکومت ہو گی اور انصاف کا بول بالا ہو گا سابق وزیر صحت چوہدری محمد رفیق نےئر نے مزید کہا کہ بیر سٹر سلطان محمود کے خلاف تمام تر حکومتی وسائل کے بے دریغ استعمال کے باوجود عوام نے جھوٹ ، مکرو فریب اور دھوکہ دہی کی سیاست کو مسترد کر دیا او ر ان سب کو منگلا ڈیم برد کر کے تاریخ رقم کر دی ہے انھوں نے کہا کہ قائد تحریک انصاف عمران خان اور قائد کشمیر بیرسٹر سلطان محمود چوہدری کی ہر کال پر لبیک کہتے ہیں این اے 246 کراچی سے امیدوار عمران اسمائیل کے قافلے پر حملہ کر نے والے شرپسند عناصر کے خلاف کاروائی کرتے ہوئے کیفر کردار تک پہنچایا جائے 19 اپریل کو جناح گراؤنڈ کراچی میں پاکستان کی تاریخ کا سب سے بڑا جلسہ ہو گا جس سے قائد پاکستان عمران خان و دیگر مرکزی قائدین خطاب کریں گے اور 23 اپریل کو پی ٹی آئی کے امیدوار بھاری اکثریت سے کامیاب ہونگے اس سے قبل سابق وزیر صحت چوہدری محمد رفیق نےئر کا کھوئی رٹہ پہنچنے پر شاندار استقبال کیا گیا کارکنوں نے پھولوں کی پتیاں نچھاور کیں اور ڈھولک کی تھاپ پر رقص کرتے رہے ریلی سے تحریک انصاف کے رہنماؤں ضیا ء الحق گورسی ، سابق ایڈووکیٹ جنرل چوہدری عبدالرزاق نے خطا ب کرتے ہوئے کہا کہ کرپٹ حکمرانوں کا انجام قریب آ چکا ہے جعلی مینڈیٹ رکھنے والی جماعت کو چار ضمنی انتخابات میں عوام نے مسترد کر کے حکومتی کارکردگی کا پول کھول دیا بیرسٹر سلطان کی ضمنی الیکشن میں فتح مخالفین کے منہ پر تمانچہ ہے نواز ، زرداری کی گٹھ جوڑ بھی بیرسٹر سلطان کو زیر نہیں کر سکی عوام با شعور ہیں وہ اپنے حقیقی لیڈر کی پہچان کر نا جانتے ہیں بیر سٹرسلطان کو بھاری اکثریت سے کامیاب کروا کر مک مکا کی سیاست کو ہمیشہ ہمیشہ کے لیے ختم کر دیا ریلی میں سینکڑوں افراد نے پیپلز پارٹی کو خیر آباد کہہ کر تحریک انصاف میں شمولیت کی ۔