کویت میں کبوتر کے ذریعے منشیات سمگل کرنے کی کوشش ناکام

کسٹم اہلکاروںنے عبدالی سرحد پر کسی نامعلوم سمت سے آنے والے کبوتر کو پکڑ لیا ،نشہ آورگولیاں برآمد

منگل 23 مئی 2017 14:41

کویت میں کبوتر کے ذریعے منشیات سمگل کرنے کی کوشش ناکام

کویت سٹی (اُردو پوائنٹ اخبارتازہ ترین - این این آئی۔ 23 مئی2017ء) کویت میں کسٹم حکام نے کبوتر کے ذریعے ملک میں منشیات سمگل کرنے کی کوشش ناکام بنا دی ۔میڈیارپورٹس کے مطابق کسٹم اہلکاروںنے عبدالی سرحد پر کسی نامعلوم سمت سے آنے والے کبوتر کو پکڑ لیا جس پر ایک تھیلی میں نشہ آور گولیاں باندھی گئی تھیں ۔

(جاری ہے)

کبوتر کو تحویل میں لیکر تفتیش شروع کر دی گئی ہے اور پتہ لگانے کی کوشش ہو رہی ہے کہ اسے کس جانب سے بھیجا گیا تھا ۔

سیکیورٹی ذرائع کا کہناتھا کہ انسپکٹروں نے بارڈر کے قریب کنٹینر پر ایک کبوتر کو بیٹھا دیکھا جو اڑنے اور چلنے میں مشکل کا شکار تھا جسے پکڑنے کے بعد پتہ چلا کہ اس کے اوپر ایک بیلٹ کی مدد سے تھیلی باندھی گئی ہے ۔حکام کے مطابق جب اس تھیلی کو کھولا گیا تو اس میں سے 168نشہ آورگولیاں برآمد ہوئیں جس کے بعد تفتیش کا آغاز کر دیا گیا ہے اور اس کے مالک کا پتہ لگانے کی کوشش جاری ہے۔