cگوادر میں یوم پاکستان کی مناسبت سے پریڈ کا انعقاد

۵پاک فوج، پاک بحریہ، ایف سی، کوسٹ گارڈ ، پولیس، لیویز اور بالخصوص خواتین پولیس و ایف سی کے دستوں نے حصہ لیا

اتوار 24 مارچ 2024 18:15

۳ گوادر(اُردو پوائنٹ اخبارتازہ ترین - آن لائن۔ 24 مارچ2024ء) یوم پاکستان کی مناسبت سے گوادر میں پریڈ کا انعقاد کیا گیاجس میں پاک فوج، پاک بحریہ، ایف سی، کوسٹ گارڈ ، پولیس، لیویز اور بالخصوص خواتین پولیس اور ایف سی کے دستوں نے حصہ لیا۔پریڈ میں پاک بحریہ کا بینڈ شائقین کی داد کا خاص مرکز رہا اور مسلح افواج کے بینڈ کے ملی نغموں کی دھنوں نے تقریب کو چار چاند لگا دئیے۔

(جاری ہے)

تقریب میں گوادر سے صوبائی اسمبلی کے رکن مولانا ہدایت الرحمان، پاک بحریہ کے کمانڈر ویسٹرن کوسٹ، جنرل آفیسر کمانڈنگ گوادر ڈویڑن، چیئرمین گوادر پورٹ اتھارٹی، ڈپٹی کمشنر گوادر، ڈی آئی جی پولیس اور دیگر سینئر سول اور عسکری حکام نے شرکت کی۔گوادر کے علاوہ بلوچستان کے دیگر شہروں حب، اورماڑہ ، پسنی اور جیونی میں بھی یوم پاکستان کے حوالے سے مختلف تقریبات منعقد ہوئیں جن میں تقریری مقابلے، کار ریلی، فٹ بال میچ اور آتش بازی شامل ہے۔گوادر میں یوم پاکستان کی تقریب کے دوران آتش بازی کا مظاہرہ کیا گیا جس سے دیکھنے کیلئے دور دور سے لوگ گوادر میں اکٹھے ہوئے۔