کمرے کا دروازہ توڑ کر مریم نواز کی پرائیویسی پر حملہ کیا گیا.احسن اقبال
ملک میں گورننس نام کی کوئی چیز نہیں، غربت میں اضافہ اور اشیا خورونوش کی قیمتیں بڑھ رہی ہیں.سابق وفاقی وزیرکی گفتگو
میاں محمد ندیم جمعہ 23 اکتوبر 2020 15:20
(جاری ہے)
انہوں نے کہا کہ پولیس فورس کی چھٹیوں پر جانے کی درخواستوں کا واقعہ ماضی میں نہیں ہوا،کچھ تو ہوا ہے جو پولیس افسران نے ایسے ردعمل کا مظاہرہ کیا‘احسن اقبال نے کہاکہ ملک میں گورننس نام کی کوئی چیز نہیں، غربت میں اضافہ اور اشیا خورونوش کی قیمتیں بڑھ رہی ہیں آٹے کی قیمت میں اضافہ ہوا، کیا وجہ ہے چینی کی قیمت بڑھ گئی. انہوں نے کہا کہ بلوچستان میں سیکیورٹی ادارے موجود ہیں، ہمارے دور میں اپوزیشن جلسوں میں ہم سیکیورٹی فراہم کرتے تھے، بلوچستان میں بھی اپوزیشن جلسوں کے لیے سیکیورٹی دی جانی چاہیے‘نون لیگی راہنما نے کہا کہ نواز شریف نے ملکی اداروں کے خلاف کوئی بات نہیں کی، نواز شریف نے ملک کی خاطر جان قربان کرنے والوں کو سلام پیش کیا. احسن اقبال نے کہا کہ محمد زبیر کراچی میں ہوتے ہیں اس لیے ملاقات بہت زیادہ نہیں ہوتی، میری پارٹی میں کسی سے بھی نارضی نہیں ،ہم چٹان کی طرح کھڑے ہیں، آنے والا وقت مسلم لیگ (ن )کا ہے‘انہوں نے کہا کہ کسی کو ن لیگ میں اختلافات کا خواب دیکھنے سے روک نہیں سکتے، اورنج لائن ٹرین کے افتتاح میں تاخیر اور بی آر ٹی کا حال سب کے سامنے ہے. قبل ازیں لاہور میں طلباء سے اظہار یکجہتی کرتے ہوئے مسلم لیگ(ن) کی نائب صدر مریم نواز نے کہا کہ کراچی میں ان پر ہوئے حملے میں وزیر اعظم عمران خان کسی گنتی میں نہیں اور یہ بڑے لوگوں کی لڑائی ہے جس میں عمران خان کہیں نہیں ہے. انہوں نے کہا کہ مجھے بہت افسوس ہے اس بات کا کہ بلوچستان، فاٹا اور راجن پور کے یہ بچے سڑکوں پر رل رہے ہیں اور کسی کو اتنی توفیق نہیں ہوئی کہ آ کر پوچھے کہ ان کا مسئلہ کیا ہے، 35 سے 36ہزار میں سے 600 سیٹیں ہیں اور وہ بھی واپس لے لی گئی ہیں اور وہ کوٹا بھی ختم کردیا ہے. مسلم لیگ(ن) کی نائب صدر نے کہا کہ شہباز شریف نے انہیں اسکالرشپ دیے تھے لیکن ایسی کیا آفت گئی کہ آپ کو وہ 600اسکالر شپ بند کرنی پڑ گئی، وہ سیٹ ختم کرنی پڑ گئی، یہ ایک جرم ہے اور بہت افسوس اور شرم کی بات ہے کہ کسی نے ان کی بات پر کان تک نہیں دھرے. انہوں نے کہا کہ آپ کو مخالفین کے گھبرانے سے سمجھ آ جانا چاہیے کہ میاں صاحب پاکستان میں نہ ہو کر بھی ہر جگہ موجود ہیں اور مخالفین کے سروں پر سوار ہیں مریم نواز نے کہا کہ نواز شریف نے کہا کہ عمران خان ہمارا ہدف نہیں ہے، عمران خان راستے سے ہٹ جائے، بڑوں کی لڑائی میں بچوں کا کام نہیں ہے تو انہوں نے وہی کر کے دکھایا، کراچی میں جو مجھ پر حملہ ہوا اور جو ریاست کے اوپر ریاست کا معاملہ سامنے آیا اس میں کہاں ہے عمران خان، انہوں نے بتادیا ہے کہ میں کسی گنتی میں نہیں ہوں. مریم نواز نے کہا کہ یہ دو تین چار بڑے لوگوں کی لڑائی ہے جس میں عمران خان کہیں نہیں ہے نہ وہ اِن بچوں کے ساتھ ہیں اور نہ وہ ان غریبوں کے ساتھ ہیں جن کے چولہے بجھ گئے ہیں، دو سال میں جو ان کا حال ہوا ہے وہ اپوزیشن نہیں بلکہ عوام کی بددعاﺅں سے ہوا ہے. انہوں نے کہا کہ جلد یا بدیر عاصم سلیم باجوہ کو عدالت اور قانون کے سامنے پیش ہونا ہی پڑے گا، یہاں کوئی مقدس گائے نہیں ہے، اگر تین مرتبہ کا وزیر اعظم نواز شریف ایک جھوٹے مقدمے میں اپنی بیٹی سمیت عدالتوں میں پیشیوں کی دو سنچریاں بنا سکتے ہیں تو عاصم سلیم باجوہ کو کونسے سرخاب کے پر لگے ہیں کہ وہ قانون کے آگے پیش نہیں ہو سکتے. مریم نواز نے کہا کہ عاصم سلیم باجوہ کا صرف معاون خصوصی کے عہدے سے مستعفی ہو جانا کافی نہیں ہے، آپ سی پیک اتھارٹی کے عہدے سے بھی استعفیٰ دیں اور آپ نے استثنیٰ مانگ لیا ہے، آپ کیا آسمان سے اترے ہیں کہ آپ کو استثنیٰ دیا جائے، آپ ریٹائر ہو کر بھی عمران خان اور فوج کی وردی کے پیچھے چھپے ہوئے ہیں لیکن میں آپ کو ایک بات بتا دوں کا جلد یا بدیر آپ کو قانون کا سامنا کرنا پڑے گا اور پاکستان کے عوام کو جواب دینا پڑے گا کہ ایک چھوٹی سے تنخواہ پر رہتے ہوئے آپ نے اربوں روپے کے اثاثے کیسے بنائے. انہوں نے کہا کہ عاصم سلیم باجوہ سے ان کے خاندان کے کاروبار کا حساب نہیں مانگا جا رہا بلکہ یہ پوچھا جا رہا ہے کہ انہوں نے آپ کے خاندان نے پوری دنیا میں اربوں کھربوں کے اثاثے کیسے بنائے اور یہ سوال کرنا ہمارا اور پاکستان کے عوام کا حق ہے مسلم لیگ(ن) کی نائب صدر نے کہا کہ کراچی میں جو ہوا اس سے پتہ چل گا ہے کہ حکومت میں اصل میں کون ہے، عمران خان تو حکومت میں ہے ہی نہیں، اس کو تو ایک ڈمی بنا کر کرسی پر بٹھایا ہوا ہے اور نواز شریف صاحب نے جو بات کی تھی کہ عمران خان صرف مہرہ ہے، نواز شریف نے تو صرف بات کی، آپ نے تو عملی مظاہرہ کر کے دکھا دیا اور قوم کو بتا دیا کہ حکومت کے اوپر حکومت کیا ہوتی ہے. انہوں نے کہا کہ حکومت مشیر اور ترجمان اپنی خفت مٹانے کے لیے یہ بیان بازی کر رہے ہیں کیونکہ انہیں کچھ نہ سمجھتے ہوئے یہ آپریشن کیا گیا ہے انہیں تو پتہ ہی نہیں تھا یہ ان کا اپنی ہی جعلی حکومت پر بھی حملہ ہے. ان کا کہنا تھا کہ کراچی واقعے پر انکوائری کی ضرورت نہیں ہے ہر چیز عوام کے سامنے ہے، رپورٹ ہوئی ہے انکوائری سب سے کے سامنے ہونی چاہیے اور 30 دن بعد آنے والی رپورٹ کو منظر عام پر لانا چاہیے اور اس میں کسی چز کو چھپانا نہیں چاہیے، اگر چھپائیں گے تو یہ ہم ہونے نہیں دیں گے. ایک اور سوال کے جواب میں انہوں نے کہا کہ جس طرح حکومت گھبرا کر بنی گالا میں چھپ کر بیٹھی ہے، جس طرح ان کی ہوائیاں اڑی ہوئی ہیںمیں تو سمجھ رہی ہوں کہ شاید یہ حکومت جنوری سے بہت پہلے چلتی بنے مریم نواز نے کہا کہ جب یہ حملہ ہوا تو مجھے ایک لمحے کے لیے بھی یہ خیال نہیں آیا کہ اس کے پیچھے پیپلز پارٹی ہے کیونکہ ہمیں معلوم ہے کہ وہ ایک سیاسی قوت ہے، ہم ایک دوسرے کے حریف جرور ہو سکتے ہیں لیکن دشمن نہیں ہیں، ایک دوسرے کا احترام کرتے ہیں. آرمی چیف کی جانب سے کراچی واقعے کا نوٹس لیے جانے کے سوال پر مسلم لیگ(ن) کی راہنما نے کہا کہ جمہوریت میں حکومت اور عدلیہ کو نوٹس لینا چاہیے، کسی اور کو نہیں لینا چاہیے اور نہ ہی کسی اور سے اپیل کی جانی چاہیے.
متعلقہ عنوان :
اسلام آباد میں شائع ہونے والی مزید خبریں
ڈپٹی سپیکر قومی اسمبلی سید میر غلام مصطفیٰ شاہ کی سردار سلیم حیدر خان کو پنجاب کے گورنر کے عہدے کا حلف ..
سپریم کورٹ میں نیب ترامیم فیصلہ کے خلاف انٹرا کورٹ اپیلوں پر 5 رکنی لارجر بنچ 14 مئی 2024 کو سماعت کرے گا
وزارت ہائوسنگ اینڈ ورکس کا وفاقی سرکاری ملازمین کو رہائش کی فراہمی کے عمل میں شفافیت اور انصاف پسندی ..
اسلام آبادہائیکورٹ میں وفاقی دارالحکومت میں روٹی اور نان کی نئی کم قیمتوں کے خلاف درخواست پر سماعت
فیصل آباد انٹرنیشنل ایئرپورٹ میں انوائرنمنٹل کنٹرول کمیٹی اور رن وے سیفٹی کا اجلاس
ملک کے بالائی علاقوں میں آندھی /جھکڑ چلنے اور گرج چمک کے ساتھ مزید بارش اور چند مقا مات پر ژالہ باری ..
وفاقی دارالحکومت میں پولن کی مجموعی مقدار میں کمی ریکارڈ
پاکستان اور آذربائیجان آب و ہوا سے منسلک خطرات سے دوچار ممالک کے طور پر ایک دوسرے کے قریب تر ہیں، مختار ..
وزیراعظم محمد شہبازشریف سے آذربائیجان کے وزیر ماحولیات اور قدرتی وسائل مختار بابائیف کی ملاقات
چیف جسٹس قاضی فائز عیسیٰ کی سربراہی میں تین رکنی بنچ 17مئی کو تلور کے شکار کیلئے زمین الاٹمنٹ کیس پر ..
سپیکر سردار ایاز صادق کی سردار سلیم حیدر خان کو گورنر پنجاب کے عہدے کا حلف اٹھانے پر مبارکباد
ٹیکس نظام کی ڈیجیٹلائزیشن ٹیکس وصولی کو جدید بنانے کی جانب ایک اہم قدم ہے، وفاقی وزیر خزانہ و محصولات ..
اسلام آباد سے متعلقہ
پاکستان کی تازہ ترین خبریں
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
سلطان اذلان شاہ کپ میں پاکستان اورنیوزی لینڈ کے مابین میچ 1-1 گول سے برابر، پاکستان فائنل میں جگہ بنانے میں کامیاب
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں