سپریم کورٹ نے الیکشن کمیشن سے پنجاب، سندھ اور بلوچستان میں بلدیاتی انتخاب کا شیڈول طلب کرلیا
چیف الیکشن کمشنر، اراکین کے ساتھ اجلاس کریں اور اس میں الیکشن شیدول کا معاملہ دیکھیں، مزید یہ کہ اس کی پیش رفت رپورٹ 4 فروری کو جمع کرائیں، عدالت عظمیٰ لگتا ہے الیکشن کمیشن آئین سے نہیں کہیں اور سے ہدایات لے رہا ہے، جسٹس قاضی فائز عیسیٰ لگتا ہے جمہوریت اب ترجیح ہی نہیں رہی،آئین پر عملدرآمد میں رکاوٹ ڈالنے والے سنگین غداری کے مرتکب ہو رہے ہیں، ریمارکس آپ الیکشن نہیں کروا سکتے تو مستعفی ہوجائیں ، جسٹس قاضی فائرعیسیٰ کا چیف الیکشن کمشنر سے مکالمہ …کورونا کے باوجود ضمنی انتخاب کروائے،چیف الیکشن کمشنر
جمعرات 28 جنوری 2021 18:22
(جاری ہے)
جسٹس قاضی فائز عیسیٰ نے پوچھا کہ اٹارنی جنرل کہاں ہیں کہ اٹارنی جنرل اگر وزیراعظم کے ساتھ ہیں تو انہیں بتائیں کہ آئین زیادہ اہم ہے۔
عدالت نے چیف الیکشن کمشنر اور الیکشن کمیشن کے اراکین، اٹارنی جنرل برائے پاکستان کو فوری طور پر عدالت طلب کرلیا۔بعد ازاں عدالت نے طلب کرنے پر اٹارنی جنرل، چیف الیکشن کمشنر اور دیگر اراکین سپریم کورٹ پہنچے، اسی دوران جسٹس قاضی فائز عیسیٰ نے اپنے ریمارکس میں کہا کہ لگتا ہے جمہوریت اب ترجیح ہی نہیں رہی۔اس پر اٹارنی جنرل نے کہا کہ جمہوریت ہی اولین ترجیح ہے، جس پر جسٹس قاضی فائز عیسیٰ نے کہا کہ چیف الیکشن کمشنر موجود ہیں، انہیں ان کا حلف یاد کروانا چاہتے ہیں۔جسٹس قاضی فائز عیسیٰ نے کہا کہ بلدیاتی انتخابات کیوں نہیں کرائے جارہے، عوام کو جمہوریت سے کیوں محروم رکھا جارہا ہے، بلدیاتی انتخابات نہ کرا کر سپریم کورٹ کے حکم کی خلاف ورزی ہورہی ہے۔انہوں نے کہا کہ کیا چیف الیکشن کمشنر اور اراکین نے اپنا حلف نہیں دیکھا، کیا چیف الیکشن کمشنر نے آئین نہیں پڑھا۔جسٹس قاضی فائز عیسیٰ نے کہا کہ عدالت نے صوبے میں بلدیاتی انتخابات کا حکم دیا تھا، کیا آپ نے بلدیاتی انتخابات کے بارے میں حکومت کو آگاہ کیا، کیا معاملہ کابینہ کے سامنے لایا گیا اس پر اٹارنی جنرل نے کہا کہ معاملہ کابینہ کے سامنے رکھنے کی ضرورت نہیں، میرے مشورے پر ہی حکومت نے میئر اسلام آباد سے متعلق نوٹیفکیشن واپس لیا تھا۔جس پر جسٹس قاضی فائز عیسیٰ نے کہا کہ عدالت چاہتی ہے کہ ہر ایک اپنی آئینی ذمہ داری پوری کرے۔سماعت کے دوران چیف الیکشن کمشنر نے بتایا کہ پنجاب حکومت نے بلدیاتی حکومتوں کو تحلیل کر دیا تھا، جس پر جسٹس قاضی فائز عیسیٰ نے پوچھا کہ کیا صوبائی حکومت کا بلدیاتی حکومتیں تحلیل کرنا قانونی تھا جس پر چیف الیکشن کمشنر نے کہا کہ پنجاب کی حکومت کا اقدام غیرقانونی تھا۔جس پر جسٹس قاضی فائز عیسیٰ نے پوچھا کہ پنجاب حکومت کے خلاف غیرآئینی اقدام پر کیا کارروائی کی اس پر چیف الیکشن کمشنر نے کہا کہ پنجاب حکومت نے نیا بلدیاتی قانون بنا لیا ہے، اس پر جسٹس قاضی فائز عیسیٰ نے کہا کہ آپ آئین پر عمل نہیں کروا سکتے تو صاف بتا دیں۔عدالت عظمیٰ میں سماعت کے دوران جسٹس قاضی فائز عیسیٰ نے آئین کے آرٹیکل 6 کا بھی حوالہ دیا اور کہا کہ آئین پر عملدرآمد میں رکاوٹ ڈالنے والے سنگین غداری کے مرتکب ہو رہے ہیں، لگتا ہے الیکشن کمیشن آئین سے نہیں کہیں اور سے ہدایات لے رہا۔جسٹس قاضی فائز عیسیٰ نے کہا کہ آپ الیکشن نہیں کروا سکتے تو مستعفی ہوجائیں جس پر چیف الیکشن کمشنر نے کہا کہ کورونا کے باوجود ضمنی انتخاب کروائے، اس پر بینچ کے سربراہ نے کہا کہ ضمنی انتخاب کروا کر آپ نے قوم پر احسان نہیں کیا، کیا ضمنی انتخاب کرانے پر قوم آپ کو خراج تحسین پیش کری انہوں نے کہا کہ الیکشن کمیشن کا وجود ہی انتخابات کروانے کیلئے ہے، قوم پر بہت ظلم ہوٴْچکا، مزید نہیں ہونا چاہیے، آپ آئین نہیں کسی اور کے تابع لگتے ہیں، جمہوریت نہ ہونے کی وجہ سے ملک برباد ہوا۔دوران سماعت چیف الیکشن کمشنر کی جانب سے خیبرپختونخوا کو ’کے پی‘ کہا گیا جس پر جسٹس قاضی فائز عیسیٰ نے انہیں جھاڑ دیا اور کہا کہ آپ آئینی عہدیدار ہیں، صوبے کا نام خیبرپختونخوا کیوں نہیں لیتی صوبے کے عوام میں نفرتیں نہ پھیلائیں۔اسی دوران چیف الیکشن کمشنر نے کہا کہ خیبرپختونوا کی بلدیاتی حکومت 25 اگست 2019 میں ختم ہوئی، خیبر پختونوا نے نئے بلدیاتی قوانیں نہیں بنائے، اس پر جسٹس قاضی فائز عیسیٰ نے کہا کہ آپ آئینی ادارے کے سربراہ ہیں، دو سال مکمل ہو گئے، آپ دفتر میں کرتے کیا ہیں، الیکشنز کی تاریخ کیوں نہیں بتا دیتی سماعت کے دوران چیف الیکشن کمشنر نے کہا کہ خیبرپختونخوا میں 18 اپریل کو بلدیاتی انتخابات کرائیں گے تاہم خیبرپختونخوا حکومت نے تاحال رولز (قواعد) نہیں بنائے، جس پر جسٹس قاضی فائز عیسیٰ نے کہا کہ کیا ہر بار الیکشن کے لیے نئے قواعد بنائے جائیں گے۔انہوں نے کہا کہ آپ جس کتاب پر حلف اٹھاتے ہیں اس کا کوئی مطلب ہے یا نہیں ساتھ ہی بینچ کے رکن جسٹس مقبول باقر نے کہا کہ اگر آپ زمینی سطح پر عوام کو اختیارات نہیں دیں گے تو کیسے کام چلے گا جسٹس مقبول باقر نے کہا کہ ملک میں خطرناک صورتحال ہے، قدرت نے آپ کو موقع دیا ہے اپنی ذمہ داری پوری کریں۔ جسٹس قاضی فائز عیسیٰ نے کہا کہ آخری انتخابات جنرل الیکشن 2018 ہوئے تھے، تب سے الیکشن کمیشن فارغ بیٹھا ہے، الیکشن کمیشن کا وجود ہی الیکشن کرانے کے لیے ہے، چیف الیکشن کمشنر کا نام آئین میں موجود ہے، وہ اپنی طاقت پہچانیں۔بعد ازاں عدالت نے الیکشن کمیشن سے پنجاب، سندھ اور بلوچستان میں بلدیاتی انتخاب کا شیڈول طلب کرلیا۔ ہدایت کی کہ چیف الیکشن کمشنر، اراکین کے ساتھ اجلاس کریں اور اس میں الیکشن شیدول کا معاملہ دیکھیں، مزید یہ کہ اس کی پیش رفت رپورٹ 4 فروری کو جمع کرائیں۔متعلقہ عنوان :
اسلام آباد میں شائع ہونے والی مزید خبریں
وزیراعظم محمد شہباز شریف کی زیر صدارت وفاقی کابینہ کا اجلاس شروع
بس ڈرائیوروں کےلیے یکساں یونیفارم کا قانون نافذ کر دیا گیا ہے، سعودی ٹرانسپورٹ جنرل اتھارٹی
پاکستان اور نیوزی لینڈ کی کرکٹ ٹیموں کے درمیان پانچواں اور آخری ٹی20 میچ ہفتہ کو قذافی سٹیڈیم لاہورمیں ..
قانون کے پیشہ کی فلاح و بہبود اور ترقی اولین ترجیح ہے ، اعظم نذیر تارڑ
کیسز میں تاخیر کو کم کرنے، شفافیت کو بڑھانے، عدالتی عمل کو تیز کرنے میں ٹیکنالوجی سے استفادہ ضروری ہے،نیشنل ..
علامہ اقبال نے امت مسلمہ کو فکر، امید کی نئی جہت دی،وزیر خارجہ سینیٹر اسحاق ڈار
پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
وفاقی دارالحکومت میں پولن کی مجموعی مقدار میں اضافہ ریکارڈ
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے ..
آئیسکو نے بجلی کی عارضی بندش کا دو روزہ شیڈول جاری کر دیا
وفاقی وزیر بحری امور قیصر احمد شیخ سے پاکستان میں ڈنمارک کے سفیر کی سربراہی میں وفد کی ملاقات
اسلام آباد سے متعلقہ
پاکستان کی تازہ ترین خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
تحریک انصاف کا 9 مئی کو جلسہ عام کے انعقاد کا فیصلہ
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت