پنجاب کے اکثر علاقوں میں آ ندھی اور گرج چمک کے ساتھ بارش اور ژالہ باری کا امکان

بدھ 17 اپریل 2024 17:29

لاہور (اُردو پوائنٹ اخبارتازہ ترین - اے پی پی۔ 17 اپریل2024ء) محکمہ موسمیات نے پیش گوئی کی ہے کہ آئندہ 24گھنٹوں کے دوران صو با ئی دارالحکو مت لاہور سمیت پنجاب کے اکثر علاقوں میں آ ندھی اور گرج چمک کے ساتھ بارش جبکہ بعض مقامات پر ژالہ باری کا بھی امکان ہے ۔

(جاری ہے)

ترجمان محکمہ موسمیات کے مطابق 18 اپر یل بروز جمعرات سے پنجاب بھر میں با رشوں کا نیا سلسلہ شروع ہوگا جو21 اپریل تک جاری رہے گا، صوبہ بھر کے بیشتر مقا مات پر آندھی،جھکڑ چلنے اور گرج چمک کے ساتھ بارش اور بعض مقا مات پرژالہ باری بھی متوقع ہے جبکہ گذشتہ 24 گھنٹوں کے دوران پنجاب کے بیشتر علاقوں میں موسم خشک رہا۔

ترجمان کے مطابق لاہور میں کم سے کم درجہ حرارت23جبکہ زیادہ سے زیادہ 33 سینٹی گریڈ ریکارڈ کیا گیا،ہوا میں نمی کا تناسب22 فی صد جبکہ لا ہور میں آلودگی کی مجموعی شرح45 فیصد رہی۔اسی طرح شہر کے دیگر علاقوں فیز 8 ایوی گرین 50 ،پا کستا ن انجینئرنگ سروسز45، ذکی فا رمز52،سی ای آر پی آفس53،ریونیو سوسائٹی41،فدا حسین روڈ53 اورڈان بریڈ لاہور میں76 ائیر کوالٹی انڈیکس ریکارڈ کیا گیا۔