پاکستانی مدرسے نے 10 لاکھ حافظ قرآن بنا کر عالمی ریکارڈ توڑ دیا

اتوار 31 مارچ 2024 13:20

راجن پور (اُردو پوائنٹ اخبارتازہ ترین - این این آئی۔ 31 مارچ2024ء) پاکستانی مدرسے نے 10 لاکھ حافظ قرآن بنا کر عالمی ریکارڈ توڑ دیا۔پاکستان میں ایک مدرسہ وفاق المدارس نے دنیا بھر میں 10 لاکھ سے زیادہ حافظ قرآن تیار کرکے ایک قابل ذکر کارنامہ انجام دیا ہے۔ وفاق المدارس کی جانب سے 1982 میں امتحان کے آغاز کے بعد سے اب تک 10 لاکھ طلبائ نے کامیابی کے ساتھ قرآن پاک کا حفظ مکمل کیا ہے۔

(جاری ہے)

صرف 2019 میں 78,000 سے زائد طلبہ حافظ قرآن بنے، جن میں 14,000 طالبات بھی شامل تھیں۔ مدرسہ میں چار سال سے کم عمر کے بچوں کو داخلہ دیا جاتا ہے، اور وہ صرف دو یا اڑھائی سال میں قرآن پاک کا حفظ مکمل کر لیتے ہیں۔ وفاق المدارس کے نمائندے قاری حفیظ جالندھری نے پاکستان میں سالانہ تیار ہونے والے حافظ قرآن کی تعداد کا سعودی عرب سے موازنہ کیا۔ انہوں نے کہا کہ عربی پاکستان کی قومی زبان نہیں ہے لیکن سعودی عرب کے مقابلے میں پاکستان کے زیادہ بچے قرآن حفظ کر رہے ہیں۔ انہوں نے روشنی ڈالی کہ سعودی عرب ہر سال صرف پانچ ہزار حافظ قرآن تیار کرتا ہی-