جنوبی وزیرستان ایجنسی وانا میں طوفانی بارشوںنے تباہی مچادی

وانا(اُردو پوائنٹ اخبارتازہ ترین - این این آئی۔ 24 جولائی2017ء) جنوبی وزیرستان ایجنسی وانا میں طوفانی بارشوں کا سلسلہ چار دن سے مسلسل جاری ہے ،ندی نالوں میں طغیانی آنے کی وجہ سے پا نی نے تباہی مچادی ،تین کھمبوں سمیت ندی نالوں کے کنارے کٹائو کی وجہ سے کھڑی فصلیں تباہ ہوگئیں ،تحصیل برمل کا علاقہ انگور اڈہ میں ایک موٹر سائیکل بھی نالے میں بہہ گیا ،لوگوں کا حکومت سے نقصانات کے ازالے کا مطالبہ،تفصیلات کے مطابق گزشتہ چار دنوں سے جنوبی وزیرستان ایجنسی کے ہیڈکواٹر وانا میں طوفانی بارشوں کا سلسلہ بدستور جاری ہے جس کی وجہ سے تحصیل وانا کا علاقہ سپین میں بجلی کے تین کھمبے گرگئے تھے جن کو مقامی لوگوں نے چندہ اکٹھا کرکے اپنی مدد آپ کے تحت ٹھیک کرایا اور بجلی کا سسٹم بحال کردیا گزشتہ 72گھنٹوں سے ٹیسکوحکام خاموش تماشائی بنی بیٹھی رہیں ۔

(جاری ہے)

اور دوسری طرف ندی نالوں طغیانی آنے کی وجہ سے ندی نالوں کے کنارے کٹائو کی وجہ سے کھڑی فصلیں تباہ ہوگئیں ہیں تحصیل برمل کا علاقہ انگور آڈہ میں ایک نالے میں موٹر سائیکل بھی بہہ گیا ہے لوگوں نے حکومت سے مطالبہ کیا ہے کہ حالیہ بارشوں کی وجہ سے جن لوگوں کے نقصانات ہوگئے ہیں انکا ازالہ کیا جائے تاحال پولٹیکل انتظامیہ اور فاٹا ڈیزاسٹر منیجمنٹ اتھارٹی اس سلسلے میں خاموش بنی بیٹھی ہے ۔