قومی کرکٹ ٹیم کے 6 کھلاڑیوں کی تیسری بار کروناٹیسٹنگ کا عمل مکمل کرلیا گیا

دوسری کوویڈ رپورٹ نیگٹیو آنے والے کھلاڑیوں کے ٹیسٹ کیے گئے،رپورٹ جلد متوقع

پیر جون 20:45

قومی کرکٹ ٹیم کے 6 کھلاڑیوں کی تیسری بار کروناٹیسٹنگ کا عمل مکمل کرلیا ..
لاہور(اُردو پوائنٹ اخبارتازہ ترین - آن لائن۔ 29 جون2020ء) قومی کرکٹ ٹیم کے 6 کھلاڑیوں کی تیسری بار کروناٹیسٹنگ کا عمل مکمل کرلیا گیا، دوسری کوویڈ رپورٹ نیگٹیو آنے والے کھلاڑیوں کے ٹیسٹ کیے گئے۔تفصیلات کے مطابق پاکستان کرکٹ بورڈ نے فیصلہ کیا تھا کہ ممکنہ کرونا متاثرہ 6 کھلاڑیوں کی تین بار کروناٹیسٹنگ ہوگی جس کے بعد دورہ انگلینڈ سے متعلق حتمی رائے سامنے آئے گی، کھلاڑیوں میں محمدحفیظ، وہاب ریاض، محمدرضوان، محمدحسنین، فخر زمان اور شاداب خان شامل ہیں، تیسری ٹیسٹنگ کی رپورٹ جلد متوقع ہے۔

(جاری ہے)

ذرایع کا کہنا ہے کہ ٹیسٹنگ نیگیٹیو آنے پر پی سی بی کھلاڑیوں کو انگلینڈ بھجوانے کے انتظامات کرے گا، کھلاڑی مقامی ہوٹل کے بائیو سیکیور ماحول میں قیام کریں گے۔خیال رہے کہ محمد حفیظ ان کھلاڑیوں میں شامل تھے جن کا پی سی بی کی جانب سے کیے گئے کرونا ٹیسٹ کے دوران نتیجہ مثبت آیا تھا تاہم اس کے اگلے ہی دن انہوں نے سماجی رابطوں کی ویب سائٹ ٹوئٹر پر انکشاف کیا تھا کہ ان کا اور اہلخانہ کا کرونا وائرس کا ٹیسٹ منفی آیا۔بعد ازاں پی سی بی نے محمد حفیظ سمیت دیگر کھلاڑیوں کا تین بار کرونا ٹیسٹ کرانے کا فیصلہ کیا تھا۔

مزید متعلقہ خبریں پڑھئیے‎ :

وقت اشاعت : 29/06/2020 - 20:45:06

Your Thoughts and Comments