اہم پی ایس ایل میچز میں مایوس کن کارکردگی، پشاور زلمی کے ٹام کیڈ مور کا 30 فیصد کم تنخواہ لینے کا اعلان

لاہور (اردو پوائنٹ تازہ ترین اخبار ۔ 20 مارچ 2023ء ) پاکستان سپر لیگ (پی ایس ایل ) کے سیزن 8 میں مایوس کن پرفارمنس پرپشاور زلمی کی ٹیم میں شامل برطانوی بلے باز ٹام کوہلر کیڈ مور کا اعلان سامنے آگیا۔ پی ایس ایل کی ٹیم پشاور زلمی سے تعلق رکھنے والے برطانوی کرکٹر ٹام کیڈ مور نے سوشل میڈیا پربیان میں اپنی تنخواہ 30 فیصد کم لینے کا اعلان کردیا۔

(جاری ہے)

28 سالہ ٹام کیڈ مور کا کہنا تھا کہ میں پی ایس ایل کے ناک آؤٹ میچز میں اچھی کارکردگی کا مظاہرہ نہیں کرسکا۔

اس لیے اپنے کانٹریکٹ کے مطابق تنخواہ لینے کے بجائے 30 فیصد کم پیسے لوں گا۔ یاد رہے کہ ٹام کیڈ مور پی ایس ایل کے اہم میچوں میں اپنی ٹیم کے لیے متاثر کن کارکردگی پیش کرنے میں ناکام رہے تھے۔