پاک نیوزی لینڈ سیریز کیلئے لائٹس خود خریدیں ، محکمہ داخلہ کا پی سی بی کو خط

لاہور (اردو پوائنٹ تازہ ترین اخبار ۔ 29 مارچ 2023ء ) محکمہ داخلہ پنجاب نے پاکستان کرکٹ بورڈ کو اگلے ماہ پاک نیوزی لینڈ میچز کے لئے لائٹس خود خریدنے کے لئے مراسلہ لکھ دیا۔ پاکستان اور نیوزی لینڈ کے درمیان سیریز اگلے ماہ لاہور میں شروع ہوگی، اس حوالے سے لائٹس لگانے کے معاملے پر محکمہ داخلہ پنجاب نے پاکستان کرکٹ بورڈ کو خط لکھ دیا۔

(جاری ہے)

محکمہ داخلہ نے اس بار نیوزی لینڈ سیریز کے میچز کے لئے لائٹ دینے سے انکار کردیا ہے۔

حال ہی میں ہونے والی پاکستان سپر لیگ ایٹ میں بھی لائٹس کا تنازعہ کھڑا ہوا تھا۔ پنجاب حکومت اور کرکٹ بورڈ میں تنازعہ ختم کرنے کے لئے معاہدہ طے پا گیا تھا۔ معاہدے کے تحت پی سی بی آئندہ اپنی لائٹس خود خریدے گا۔