آئی ایل ٹی20 میں وسیم اکرم کا وسیم اکرم کی ملاقات کا خواب پورا ہوگیا

دبئی (اردو پوائنٹ تازہ ترین اخبار ۔ 29 جنوری 2024ء ) انٹرنیشنل لیگ ٹی 20 میں وسیم اکرم کا وسیم اکرم سے ملاقات کا خواب پورا ہوگیا۔ یواے ای کے لیفٹ آرم فاسٹ بولر وسیم اکرم جونیئر کی آئی ایل ٹی 20 کے دوران اپنے آئیڈیل پاکستان کے سابق سٹار فاسٹ باولر وسیم اکرم سے ملاقات کی خواہش پوری ہوگئی۔ 57 سالہ وسیم اکرم یواے ای میں جاری اس ایونٹ میں بطور کمنٹیٹر شریک ہیں۔

(جاری ہے)

ایونٹ کے سائیڈ لائن پر وسیم اکرم جونیئر نے اپنے آئیڈیل وسیم اکرم سے ملاقات کی اور بائولنگ ایکشن میں بہتری کے حوالے سے کافی قیمتی مشورے بھی حاصل کیے۔ اس حوالے سے ایک انٹرویو میں وسیم اکرم جونیئر کا کہنا تھا کہ میرے والد وسیم اکرم کے پرستار تھے، جب میں پیدا ہوا تو میرا نام بھی ان پر رکھا گیا، جب میں بڑا ہونے لگا تو انھیں پسند کرنے لگا، میں نے ان کی طرح لیفٹ آرم سے بولنگ اور لیفٹ ہینڈ سے بیٹنگ شروع کی۔