44 ویں نیشنل سرکل سٹائل کبڈی چیمپئن شپ کے دونوں سیمی فائنل مقابلے (آج )کھیلے جائیں گے

لاہور (اُردو پوائنٹ اخبارتازہ ترین - این این آئی۔ 03 اکتوبر2025ء)پاکستان کبڈی فیڈریشن کے زیر اہتمام جاری 44 ویں نیشنل سرکل سٹائل کبڈی چیمپئن شپ کے دونوں سیمی فائنل مقابلے (آج )ہفتہ کو پنجاب سٹیڈیم میں کھیلے جائیں گے جبکہ فائنل اور تیسری پوزیشن کا میچ (آج) اتوار5 اکتوبر کو کھیلا جائے گا۔ چیمپئن شپ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔

(جاری ہے)

پاکستان کبڈی فیڈریشن کے سیکرٹری جنرل محمد سرور رانا نے بتایا کہ چیمپئن شپ میں ملک بھر سے بارہ ٹیمیں حصہ لے رہی ہیںجن کو چار گروپوں میں تقسیم کیا گیا ہے۔ گروپ اے میں پاکستان واپڈا، سندھ اور خیبر پختو نخوا، گروپ بی میں پاکستان ائیر فورس، پاکستان ریلوے اور بلوچستان، گروپ سی میں پاکستان آرمی، پنجاب اور پی او ایف واہ اور گروپ ڈی میں پاکستان نیوی، ہائر ایجوکیشن کمیشن اور پاکستان پولیس کی ٹیمیں شامل ہیں۔