فاٹا میں آپریشن ضرب عضب سے امن بحال ہو رہا ہے،اقبال ظفر جھگڑا
پاک فوج اور قبائلی عوام کی مشترکہ قربانیوں سے دہشت گردوں کے 80 فیصد ٹھکانے ختم ہو چکے،دو فیصد چھپے عناصر کی عوام کو ملکر نشاندہی کرنا ہوگی ہمارے خلاف افغانستان کی سرزمین پر دہشت گردی کی منصوبہ بندیاں ہو رہی ہے، فاٹا میں اصلاحاتی کمیٹی کے سفارشات کے عین مطابق اصلاحا ت لائے جائینگے،غلنئی واقعہ میں شہید لیویز اہلکاروں کے خاندان اور بچوں کی کفالت اور تعلیمی اخراجات حکومت برداشت کرے گی، گورنر خیبر پختونخوا
جمعہ 17 فروری 2017 22:19
(جاری ہے)
اب ان کی حدود سے پاکستان پر حملے ہو رہے ہیں اور ہمارے خلاف افغانستان کی سرزمین پر دہشت گردی کی منصوبہ بندیاں ہو رہی ہے۔
فاٹا میں اصلاحاتی کمیٹی کے سفارشات کے عین مطابق اصلاحا ت لائے جائینگے۔غلنئی واقعہ میں شہید لیویز اہلکاروں کے خاندان اور بچوں کی کفالت اور تعلیمی اخراجات حکومت برداشت کرے گی۔ ان خیالات کا اظہار گورنر خیبر پختونخوا اقبال ظفر جھگڑانے جمعہ کے روز دورہ مہمند ایجنسی میں غلنئی خود کش حملوں میں شہید لیویز اہلکاروں کے خاندانوں سے تعزیت کرنے اور امدادی چیکس کی تقریب سے ہیڈ کوارٹر غلنئی میں خطاب کرتے ہوئے کیا۔اس موقعہ پر ایڈیشنل چیف سیکرٹری فاٹا فدا محمد وزیر، ایم ایس ٹو گورنر لیفٹنٹ کرنل شاہد ، پولیٹیکل ایجنٹ محمود اسلم ، مہمند رائفلز ونگ کمانڈرمحمد عمیردیگر افسران اور قبائلی مشران بھی مو جود تھے۔ گورنر نے تین شہید لیویز اہلکاروں کے ورثاء کو شہید پیکیج کے تیس تیس لاکھ روپے اور تین زخمی اہلکاروں کے لئے فی کس ایک لاکھ پچاس ہزار روپے کے امدادی چیکس حوالے کردئیے۔گورنر نے شہداء کے تنخواہوں کو جاری رکھنے اور ان کے خاندان کے لئے ایک ایک خاصہ دار کی نوکری دینے کا بھی اعلان کیا۔ اور ورثاء کو اطمینان دلایا کہ شہداء کے قربانیوں کو ہمیشہ یاد رکھا جائیگا اور متاثرہ خاندانوں کی کفالت اور بچوں کی تعلیمی اخراجات حکومت برداشت کریگی۔تقریب میں شہداء سے تعزیت کے لئے فاتحہ خوانی اور زخمیوں صحت یابی کے لئے خصوصی د عا مانگی گئی۔شرکاء سے خطاب کرتے ہوئے گورنر خیبر پختونخواہ نے کہا کہ قبائل کی تاریخ قربانیوں سے بھری پڑی ہے۔ فاٹا میں پاک فوج،قانون نافذ کرنے والے اداروں اور قبائل کے قربانیوںکے بدولت امن تیزی سے قائم ہورہا ہے۔آپریشن ضرب عضب اور قبائلیوں کی سیکیورٹی اداروں سے تعاون کے نتیجے میں فاٹا سے دہشت گردوں کے 80 فیصد ٹھکانے ختم ہو چکے ہیں۔ باقی 20فیصد چھپے دہشت گرد عناصر کے خاتمے کے لئے قبائل کی ذمہ داری بنتی ہے کہ ہر مشکوک اور اجنبی افراد پر کھڑی نظر رکھ کر بر وقت نشاندہی کیا کریںتاکہ امن کو بحال رکھا جائے۔انہوں نے کہا کہ افغانستان کے لوگ ہمارے بھائی ہیں۔ پاکستان نے افغانستان کے جنگوں کے متاثرین کو تیس سال تک پناہ اور ہر سہولت دی۔ مگر اب افغانستان کے حدود سے ہمارے خلاف حملے اور دہشت گردی واقعات کی منصوبہ بندیاں ہو رہی ہے۔اور ان کی زمین ہمارے خلاف استعمال ہو رہا ہے۔گورنر کا کہنا تھا کہ کامیاب آپریشن ضرب عضب کی موثر کاروائیوں کے نتیجے میں دہشت گرد وں کے گرد گھیرا تنگ ہوکر وہ ملک کے دوسرے شہروں اور اضلاع منتقل ہو گئے ہیں۔ انہوں نے کہا کہ سیہون شریف جیسے واقعات انسانیت کے خلاف ہیں۔ کیونکہ ایک انسان کو قتل کرنا پورے انسانیت کا قتل ہے۔مگر ہمارے ارادے مضبوط ہیں اور دہشت گردوں کو اپنے مقصد میں کامیاب نہیں ہونگے۔ہم میں بعض مشکوک لوگ دخل ہو چکے ہیں ان کی تخریب کاری کی روک تھام کے لئے عوام کو پاک فوج کا ساتھ دینا ہے۔ کیونکہ دہشت گردی ابھی ختم نہیں ہوئی ہے ان کے خلاف مزید کاروائیاں ہونگی۔گورنر نے غلنئی خود کش حملے میں شہید اور زخمی اہلکاروں کی قربانیوں کو خراج تحسین پیش کیا گیا۔ اور ورثاء کو تسلی دی کہ ان کے بیٹوں نے ملک و قوم کے لئے قربانیا ں دی جو ہمیشہ یاد رکھی جائیگی۔ اور حکومت متاثرہ خاندانوں کو تنہا نہیں چھوڑے گی۔انہوں نے زخمیوں کی علاج معالجے کی خصوصی ہدایات دی۔ یاد رہے کہ جمعرات کے روز آرمی چیف قمر جاوید باجوہ نے بھی دورہ مہمند ایجنسی میں شہداء کے ورثاء سے ملاقات کرکے ان کے لئے پاک فوج کی طرف سے بہادری کے اعتراف میں دس دس لاکھ روپے امداد دینے کا اعلان کیا ہے۔مہمند ایجنسی میں شائع ہونے والی مزید خبریں
مہمند ،مسلسل بارش کے باعث دیوار گرنے سے چار بچے زخمی ،ہسپتال منتقل
مہمند، قبائلی اضلاع میں قائم ہونیوالے پختونخوا ایف ایم ریڈیوز سٹیشنز فنڈز کی عدم فراہمی کے باعث بند ..
اربن پالیسی اینڈ پلاننگ یونٹ کامقامی صحافیوں کیساتھ مہمند کی ترقی و خوشحالی بارے مشاورتی اجلاس
مہمند ،خوشحال خان شہید کے پانچوں قاتلوں کو گرفتار کرلیا گیا
پاک فوج کی جانب سے ضلع مہمند میں تعلیم کے فروغ کیلئے اقدامات جاری
مہمند،برہ کدی باد سیاہ کلی میں جے یو آئی کا جلسہ، درجنوں افراد پارٹی میں شامل
مہمند پریس کلب کے سالانہ انتخابات مکمل،شاکراللہ صدر اور بشیرخان جنرل سیکرٹری منتخب
مہمند، این اے 26کیلئے 16 امیدوار میدان میں اتر گئے
مہمند ،ٹرائبل یونین آف جرنلسٹ کے سالانہ انتخابات مکمل ،قاضی فضل اللہ صدر خادم خان آفریدی جنرل سیکرٹری ..
سی ٹی ڈی مہمند ریجن نے کارروائی کر کے دہشت گرد اور 6 سہولت کاروں کو گرفتار کر لیا
ٹرائبل یونین آف جرنلسٹس کی مرکزی کابینہ و ایگزیکٹیو کونسل نے الیکشن کمیٹی تشکیل دیدی
چیئرمین واپڈا کا مہمند ڈیم کا دورہ، مختلف سائٹس پر تعمیراتی پیش رفت کا جائزہ لیا
مہمند ایجنسی سے متعلقہ
پاکستان کی تازہ ترین خبریں
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
بینک دولتِ پاکستان کی زری پالیسی کمیٹی (ایم پی سی)کا اجلاس 29اپریل کو ہوگا
-
ایس ای سی پی نے نیا آن لائن کمپلینٹ مینجمنٹ سسٹم ’ایس ای سی پی ایکس ایس‘ متعارف کروا دیا
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے