کورنگی ایسوسی ایشن آف ٹریڈ اینڈ انڈسٹری کے وفد کا سر سید یونیورسٹی کادورہ

جمعہ 17 ستمبر 2021 23:55

کراچی (اُردو پوائنٹ اخبارتازہ ترین - آن لائن۔ 17 ستمبر2021ء) کورنگی ایسوسی ایشن آف ٹریڈ اینڈ انڈسٹری کی نائب صدر نگہت اعوان کی سربراہی میں وفد نے سر سید یونیورسٹی آف انجینئرنگ اینڈ ٹیکنالوجی کادورہ کیا۔ دورہ کا مقصد شعبہ جاتی معیار تعلیم، پیشہ وارانہ تربیت اور لیبارٹریز سمیت دیگر سہولیات کاجائزہ لینا تھا۔وفد میں سابق چیئرمین کاٹی احتشام الدین، ماہین سلمان اور سید واجد حسین بھی شامل تھے۔

اس موقع پر نائب صدر نگہت اعوان نے کہا کہ سرسید یونیورسٹی ایک عالمی معیارکا تعلیمی ادارہ ہے جہاں بین الاقوامی معیار کی تعلیم اور پیشہ وارانہ تربیت سے نوجوانوں کو روشناس کرایا جارہا ہے۔ سرسید یونیورسٹی کے فارغ تحسین طلبا دنیا بھر میں انجنیئرنگ کے شعبے میں ملک و قوم کا نام روشن کر رہے ہیں۔

(جاری ہے)

انہوں نے کہا کہ کاٹی اور سر سید یونیورسٹی کے مابین مشترکہ دلچسپی کے باہمی امور پر تعاون کرنا ہے اور نوجوانوں کو جدید ٹیکنالوجی سے آراستہ پیشہ وارانہ تربیت فراہم کرنا ہے۔

انہوں نے کہا کہ یونیورسٹی نے تحقیقی معیارنہ صرف برقرار رکھا ہے بلکہ اسے بلند بھی کیاہے۔ اس مقام کو پانے کیلئے طلبہ اور اساتذہ دونوں قابل تعریف ہیں۔نائب صدر نے زور دیا کہ دونوں اداروں کے باہمی تعاون سے تربیتی ورکشاپس، سیمینار اور کانفرنسوں کا انعقاد کیا جائے گا۔ نگہت اعوان نے سرسید یونیورسٹی کی جانب سے اعلیٰ تعلیم کے فروغ اور بہتری کے لیے کئے جانے والے اقدامات پراطمینان کا اظہار کیا۔

انھوں نے کلاسوں کا دورہ بھی کیا اور سرسیدیونیورسٹی کی تعلیمی سرگرمیوں اور ماحول کا جائزہ بھی لیا۔سر سید یونیورسٹی کے وائس چانسلر پروفیسر ڈاکٹر ولی الدین نے کہا کہ انڈسٹری کی ضرورت کے تحت طالبعلموں کو مختلف شعبوں میں تعلیم دی جارہی ہے تاکہ صنعتوں میں جدت پیدا ہو اور فرغ التحصیل اسٹوڈنٹ صنعتوں کو اپنی خدمات سے صنعتی شعبے کو ترقی دیسکیں۔ انہوں نے کہا کہ یونیورسٹی کے ہونہار طلبہ پوری دنیا میں اپنی صلاحیتوںسے ملک، قوم اور ملت کا نام روشن کررہے ہیں۔تاہم ادارے کی کوشش ہے کہ طالباکو جدید طرز تعلیم سے اس قابل بنایا جائے کہ وہ انڈسٹری میں اپنا لوہا منوا سکیں اور بین الاقوامی مارکیٹ میں دیگر انجینئرز سے مقابلہ کر سکیں