سیکستھ جنریشن وار(sexth generation war )
جمعہ 1 اکتوبر 2021
(جاری ہے)
جہاں ” اللہ دیکھ رہا ہے وہاں کیمرا بھی شریک ہے ۔۔ گویا شہر کا شہر الٰہ دین کا چراغ لئے پھرتاہے اور اسی چراغ سے لوگوں کے عیوب ڈھونڈتا پھرتا ہے۔
ان حالات میں شوگر ڈیڈیوں کی تشخیص کا معما بھی حل ہو گیا ہے۔ اب اطلاقی دل پھینک اور بوالہوسوں کی مٹی پلید ہونے کے وسیع اہتمام موجود ہیں۔دفاتر، گھر، ریستوران، نیٹ کیفے، مدارس، دربار، شادی، غمی،ہسپتال، سکول اور نہ جانے کہاں کہاں کیمروں کی آنکھیں جھانک رہی ہیں۔ حال ہی میں اک بڑی سیاسی جماعت کے ایک بڑے راہ نما کسی رُخِ زیبا سے نا زیبا حرکات کرتے بِنا کچھ زیب تن کیمرے میں محفوظ ہوکر زیب ِ داستاں بنے ۔ کچھ لمحے غیر ملبوس ہوئے تو قیامت ٹوٹ پڑی ۔گاندھی جی بھی تو عمر بھر ایسے پھرتے گئے مگر پھر بھی قوم کے باپو ہیں۔ اصل میں موصوف نے اپنی جماعت کی ادھوری تنطیم سازی کی تکمیل میں یہ قدم اٹھایا مگر لوگوں نے غلط رنگ دیا ۔ اسی طرح دو سال پہلے صاحب ِ نیب کی خودی کا ” اقبالِ جاودانہ “ اتنا بلند ہوگیا کہ اپنے دفتر میں ہی اپنی رضا کھول کر بیان کردی۔ ایسی آنکھیں لگیں کہ پھر آنکھ کا لگنا دشوار ٹھہرا مگر کیمرے کی آنکھ نے یہاں بھی سب کچھ دیکھ لیا۔ ویڈیو کے افسانے سوشل میڈیا پہ پھیلے اور بات چل کر دور تک جا نکلی۔مگر اوپر کی غیبی امداد آپہنچی۔اک اور بڑے ملک الاحتساب کو کیمرے کی آنکھ نے اس وقت دیکھ لیا جب وہ چل کر پینے گئے مگر اٹھا کر لائے جارہے تھے۔ بس ذرا کم ظرفی سے اک جام میں لڑکھڑا کر جاگرے۔کیا کرتے، کثرتِ دباوٴ سے گھبرا کے پینے پہ جا لگے۔ انہیں پینے کا شوق ہرگز نہ تھا بلکہ محض دباوٴ کا غم بھلانے کیلئے پیتے رہے۔ ویڈیو کریسی کے ظہور سے قبل کتنے مناظر ہو نگے جو منظر ِ عام پہ آنے کی سعادت سے محروم رہ گئے اور دنیا ان کی زیارت بنفسِ نفیس نہ کر پائی۔ ازمنہ قدیمہ اور قرونِ وسطیٰ کے کروڑوں بصری مناظر بِن دیکھے ہی سپردِ خلا ہو گئے۔جن کے بعد ان پر اپنی اپنی مرضی کی تواریخ رقم ہوئیں اور حقیقتیں یکسر اجنبی رہیں۔ ذرا چشمِ تصور سے دیکھیں تو اقوامِ عاد و ثمود اور نوح و لوط کیمروں کی آنکھ سے کتنے محفوظ تھیں۔ دنیا ان کے کارناموں کے بصری تجسس سے نا آشنا رہی۔ زلیخا کے الزامات کی قلعی بھی کھل جاتی ۔ اموی، عباسی اور عثمانی خلفاء بھی اپنے درباری مورخین کے سبب خاصے معتبر ٹھہرے ہیں۔ کاش محمد شاہ رنگیلا کے دور میں ۳۶ تصویروں والا کیمرہ ہی میسر ہوتا تو کیا تماشہ لگتا۔ پھر ویڈیو کریسی کی صورت میں مغلوں، خلجیوں،غوریوں،لودھیوں اور ماضی قریب کے کچھ جنرلوں کے معاملات کیا ہوتے ؟ جبکہ بادہ خواری کی کثرت کے باعث غالب ہمیشہ مغلوب ہی رہتا اور ولی بننے کا ادنیٰ دعویٰ بھی نہ کر پاتا۔ ابراہیم ذوق کی فیس بک پہ غالب کی حالت کیا ہوتی؟ کیا الزامات، کیا دشنام اور کیا الم غلم کا سماں رہتا۔ ویڈیو کریسی کے بطن سے نکلی ” ٹک ٹاک “ تو روائیتی میڈیا سے بھی چار قدم آگے جا نکلی ہے۔ ایوانِ صدراور مینار پاکستان کے نام خوب روشن ہوئے ۔ سچ پوچھئے تو پوری سرکار ٹک ٹاک کیمروں میں بند ہوچکی ہے۔ مفتیانِ عظام بھی کسی سے پیچھے نہیں ہیں اور بدرجہ اتم شہرت پارہے ہیں ۔ اب سمجھے کہ علماء کیمروں کو حرام کیوں قرار دیتے ہیں۔ ا ب جان ،مال اور عزت کیمروں کی مرہونِ منت ہیں۔پچھلے برس لاہور کی خوبرو مغنیہ بھی نقش بر آب بنانے کے شوق میں اک موبائل والے کے ہاتھوں خود ہی وائرل ہو بیٹھی ارو محدود مدت کیلئے تائب ہو نے کا عزم بھی کرلیا۔ نہ جانے سیکستھ جنریشن وار کی وحشت ہمیں کہاں لے جا کر دم لے ۔بقول جان ایلیا ،
اب سبھی کو سبھی سے خطرہ ہے
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
تازہ ترین کالمز :
امجد محمود چشتی کے کالمز
-
با ادب ، با ملاحظہ ہوشیار
جمعہ 24 دسمبر 2021
-
مذہبی محافل اور ادب کا فقدان
پیر 22 نومبر 2021
-
حیات ِ واہیات
ہفتہ 13 نومبر 2021
-
مکافاتِ محاورات
بدھ 20 اکتوبر 2021
-
سیکستھ جنریشن وار(sexth generation war )
جمعہ 1 اکتوبر 2021
-
تُزکِ عمرانی ۔ (شفیق الرحمٰن سے معذرت کے ساتھ)
منگل 28 ستمبر 2021
-
لاک ڈاؤن یا لوگ ڈاؤن
بدھ 19 مئی 2021
-
لائی حیات آئے،وباء لے چلی، چلے
منگل 13 اپریل 2021
امجد محمود چشتی کے مزید کالمز
کالم نگار
مزید عنوان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.