ہمارے معاشرے کا المیہ

بیٹی زحمت نہیں رحمت ہے ہمارے معاشرے میں آج بھی بہت سے لوگ ایسے ہیں جو بیٹیوں کی پیدائش پر روتے ہیں اور کچھ مرد بھی ان میں شامل ہیں بیٹی کی پیدائش کا سن کر وہ چپ سادھ لیتے ہیں  ہم کیوں نہیں اپنا مائنڈ سیٹ بدلتے ہمارے معاشرے میں عورت کو کمزور اور مرد کو کیوں بہادر کہا جاتا ہے؟ کیوں عورتوں کی اُس طرح عزت نہیں کی جاتی جس کی وہ حقدار ہیں اگر دیکھا جائے تو عورتیں بھی مردوں سے پیچھے نہیں ہیں وہ ہر طرح کے حالات سے لڑنے کے لیے, محنت کرنے کے لیے تیار ہوتی ہیں محنت کرنے میں وہ عار محسوس نہیں کرتیں دوسری طرف اگر عورت حق, سچ کا ساتھ دے غلط کو غلط کہے تو ان کو دوسرا جملہ یہ سننے کو ملتا ہے یہ بہت زبان دراز ہے
" ہمارے معاشرے میں عورت کے زبان دراز ہونے پر تو سب شکوہ کرتے ہیں مگر کوئی گھونگی عورت سے شادی بھی نہیں کرتا"  اور جو عورت اپنے حق کے لیے آواز نہ اُٹھائے اس کو اللہ میاں کی گائیں قرار دیا جاتا ہے آخر ہمارے معاشرے کے لوگ چاہتے کیا ہیں اللہ تعالیٰ نے عورت اور مرد دونوں کو افضل بنایا ہے ہر انسان کے اندر صلاحیتیں پیدا کی ہیں تاکہ وہ اپنی صلاحیتوں کو بروئے کار لائے ہر انسان کو زندگی گزارنے اپنے حق کے لیے آواز اُٹھانے کا حق ہے اگر دیکھا جائے تو مشکل وقت میں والدین کے کام بھی ایک عورت ہی آتی ہے,شوہر کا ساتھ بھی ایک عورت ہی دیتی ہے, شوہر کے والدین کی خدمت بھی ایک عورت ہی کرتی ہے اگر کوئی عورت محنت کرنے کے لیے گھر سے باہر نکلتی ہے تو لوگوں کی بُری نظروں کو بھی ایک عورت ہی برداشت کر رہی ہوتی ہے ہم کیوں نہیں دوسروں کی بیٹیوں,بہنوں کو اپنی بیٹیوں, بہنوں کے برابر سمجھتے جس دن ہمارے معاشرے میں لوگ باہر کی عورتوں کی عزت کرنا شروع کریں گے ان کے گھر کی عورتوں کو اس سے زیادہ عزت ملے گی لہذا خود بھی خوش رہیے دوسروں کو بھی رہنے دیجئے خود بھی عزت کیجئے اور دوسروں سے بھی وصول کیجئے.

آخر میں صرف اتنا کہوں گی:  
 بیٹیاں ہر کسی کے مقدر میں کہاں ہوتی ہیں
گھر جو خدا کو پسند آئے وہاں ہوتی ہیں