کیا ہمیں آزادی کی قدر ہے؟

یہ ملک ہمارے آباؤ اجداد کی دن رات محنت کی وجہ سے وجود میں آیا اور آزادی کتنی بڑی نعمت ہے اس کا اندازہ صرف وہی لوگ کر سکتے ہیں جو اس نعمت سے محروم ہیں قائداعظم محمد علی جناح نے اپنی صحت کی پرواہ کیے بغیر اس ملک کو حاصل کرنے میں دن رات محنت کی ہمیں یہ بات یاد رکھنی چاہئے آزادی ہمیں پلیٹ میں رکھ کر نہیں ملی تھی بلکہ اس ملک کو حاصل کرنے میں کتنے ہی لوگوں نے اپنی جان کا نظرانہ پیش کیا تھا کتنے ہی بے گناہ خون بہنے کے بعد ہمیں یہ وطن حاصل ہوا لیکن افسوس ہمیں آزادی کی قدر نہیں ہے ہم ذہنی طور پر ابھی بھی آزاد نہیں ہوئے ہم اپنی تہذیب و ثقافت کو بھول بیٹھے ہیں ہم خود اپنے ہی ملک کے دشمن بنے بیٹھے ہیں ہمارے حکمران اپنے ہی ملک کو لوٹ رہے ہیں ہم ہر سال 14 اگست بہت جوش و جذبے سے مناتے ہیں صرف 14 اگست کو اپنے گھروں کو سجا لینے اور ہم زندہ قوم ہیں یہ کہہ دینے سے ہم زندہ قوم کبھی بھی نہیں بن سکتے زندہ قوم بننے کے لیے ہمیں یک جان ہونا اور اپنے اندر کی انسانیت کو جگانا ہو گا تاکہ ہم فخر سے خود کو زندہ قوم کہہ سکیں ہم اپنے پرچم کی قدد نہیں کرتے چودہ اگست کے بعد یہی پرچم اور جھنڈیاں ہمیں کوڑا کرکٹ اور سڑکوں پر پڑی ملتی ہیں اللہ تعالیٰ نے ہمارے ملک کو بے شمار وسائل سے نوازا ہے لیکن افسوس ہمارے حکمرانوں نے اس ملک کو قرضے کی دلدل میں پھینک دیا ہے  آج سے تقریباً 75 سال پہلے ہمیں ایک ملک کی ضرورت تھی لیکن افسوس 14 اگست 2021 کو ہمارے پاس ایک خوبصورت ملک تو ہے لیکن ہم ایک قوم نہیں ہیں ہمیں اس بات کا علم ہونا چاہئے ہمیں ایک مضبوط قوم بن کر اُبھرنا چاہئے جب ہم ایک قوم بن کر اُبھریں گے تو ہی یہ ملک ترقی کر سکے گا ہمیں اس ملک کو صاف ستھرا رکھنا چاہئے تاکہ یہ ملک گندگی کی وجہ سے پھیلنے والی بیماریوں سے پاک ہو سکے ہمیں یہ بات سوچنی چاہئے ہم کیوں ابھی تک ان مقاصد کو پورا نہیں کر پائے جن مقاصد کے لیے یہ ملک بنا تھا جن کو پورا کرنے کے لیے قائداعظم نے الگ وطن کا سوچا اور علامہ اقبال کے اس خواب کو پورا کیا تھا ہمیں اس ملک کے وسائل کو بروئے کار لاتے ہوئے اس ملک کے لیے کچھ کرنا چاہئے تاکہ اس ملک کی تقدیر بدل سکے اور یہاں رہنے والا ہر شہری ایک اچھی اور پرسکون زندگی گزار سکے اس پاک سر زمین کو اپنی جدوجہد سے لڑائی جھگڑوں, قتل, فساد, دوسروں کا حق کھانے سے پاک رکھنا چاہئے ہمیں اپنے ملک پاکستان کی قدر کرنی چاہئے۔

(جاری ہے)