انصاف کا حصول جدوجہد مسلسل

انصاف برابری کی نشاندھی کرتا ہے جہاں پر برابری ہو کسی کے ساتھ زیادتی نہ ہو وہاں پر انصاف کا بسیرا ہوتا ہے جس معاشرے میں انصاف سرائیت کر جائے وہ معاشرہ مضبوط سے مضبوط تر ہوتا جاتا ہے اور جس معاشرے سے انصاف ختم ہو جائے وہ زوال پذیر ہو جاتا ہے
جب انصاف کے حصول کی بات آتی ہے تو مختلف معاشروں میں اس کے مختلف اصول ہیں وہ معاشرے جہاں  امیر اور غریب برابری کی سطح پر رہتے ہیں وہاں انصاف کا حصول قدرے آسان ہوتا ہے جبکہ وہ جگہیں جہاں امیر اور غریب میں زمین وآسمان کا فرق ہوتا ہے وہاں انصاف کا حصول نا ممکن سا لگتا ہے
اگر ہم اپنے پیارے ملک پاکستان کی بات کریں تو افسوس کے ساتھ یہاں آوا کا آوا بگڑا ہوا ہے یہاں امیر اور غریب کے درمیان بہت زیادہ فرق پیدا ہو چکا ہے غریب غربت کی چکی میں پس رہے ہیں اور امیر عیاشی کی زندگی بسر کر رہے ہیں
بطور پاکستانی میرے لیے یہ امر افسوسناک ہے کہ وہ ملک جہاں میں رہتا ہوں وہاں انصاف کا نظام اس قدر کمزور ہے کہ غریب انصاف حاصل کرنے کے لیے اپنی زندگی کی جمع پونجی تک خرچ کر کے بھی انصاف سے محروم رہتے ہیں اور امراء اپنی دولت کے بل پر انصاف کی تزلیل کرتے ہوئے من چاہے فیصلے لکھوا لیتے ہیں
پاکستان بننے کے کچھ عرصے بعد ہی ملک میں جاگیردار اور صنعت کار طبقے کی حکمرانی آ گئی اور ملک تباہی کے دہانے پر جاتا رہا
جاگیردار طبقے نے اپنے مفاد کے لیے قانون کا استعمال شروع کیا یہاں سے انصاف کے نظام کی خرابی شروع ہوئی اور انصاف امیر کے لیے مذاق اور غریب کے لیے نا قابل حصول بنتا چلا گیا
آج پاکستان میں انصاف مذاق بن چکا ہے امراء مہنگے مہنگے وکیلوں کے ذریعے من چاہے فیصلے کروا لیتے ہیں جبکہ غریب کے پاس وکیل کو دینے کے لیے فیس تک نہیں ہوتی وہ بیچارہ زندگی بھر کی کمائی وکیلوں کی نظر کر بیٹھتا ہے لیکن پھر بھی امراء کی دولت کے آگے بے بس نظر آتا ہے
اگر ریاست مدینہ کے نظام انصاف کی بات کی جائے تو وہ مثالی نظام ہے رسول اکرم صلی اللہ علیہ وآلہ وسلم نے لوگوں کو عملی طور پر انصاف کر کے دکھایا آپ صلی اللہ علیہ وآلہ وسلم نے امیر غریب کے فرق کو ختم کیا اور انسانوں میں برابری قائم کی ایک مرتبہ آپ (ص) نے فرمایا:
"میں تم لوگوں کے درمیان انصاف کرنے والا بنا کر بھیجا گیا ہوں"
اس طرح مولا علی علیہ السلام کے دور خلافت کا ایک شاندار واقعہ ملتا ہے جہاں آپ نے ایک زرہ کے مقدمے میں باوجود اس کے کہ آپ علیہ السلام حق پر تھے  اپنے خلاف فیصلہ قبول کیا
لیکن ہم اپنے آباؤ اجداد کی تعلیمات بھلا کر سراط مستقیم سے بھٹک چکے ہیں ہمارے ہاں آئین و قانون نامی کوئی چیز نہیں یہاں رشوت خوری عام ہو چکی ہے یہاں انصاف بکتا ہے یہاں منصف بکتے ہیں یہاں انصاف کی بولی لگتی ہے
لیکن ہمیں ہمت نہیں ہارنی اور اباؤ اجداد کے اسلاف کو محنت کے ذریعے حاصل کرنا ہےکیوں کہ انسان کو کبھی بھی کوئی چیز بغیر محنت کے نہیں ملتی انصاف کا حصول ایک کٹھن اور مشکل راہ ہے لیکن اسے حاصل کرنا بالکل بھی ناممکن نہیں ہےاس کے لیے صرف ہمت اور جہد مسلسل چاہیے
جب انسان کسی چیز کو پانے کی ٹھان لے اور اس کے لیے دل سے محنت کرے تو اللہ تعالیٰ اسے محنت کا صلہ ضرور دیتا ہے اور انسان وہ چیز حاصل کر ہی لیتا ہے
اس ساری تحریر کا مقصد یہ باور کروانا ہے کہ انصاف کا حصول کانٹوں کی سرزمین ہی صحیح لیکن قابل حصول ہے اللہ تعالیٰ ہم میں سے ہر ایک کو انصاف کے لیے لڑنے کی توفیق عطا فرمائے آمین
بقول شاعر