اشعار کی صحت

”اشعار کی صحت“ کے کالمز پر بہت سے سینیَر کالم نگار بھی بہت پریشان ہیں، اللہ جانتا ہے کہ میرا مقصد کسی کی تضحیک و توہین ہرگز نہیں ہے بلکہ مَیں تو بڑے خلوص اور احترم کے ساتھ غلط اشعار کی اصلاح کرنا چاہتا ہوں۔غلطی ہر کسی سے ہو سکتی ہے، مَیں بھی غلطی کر سکتا ہوں مگر میرا خاص مقصد اُن لوگوں کی اصلاح کرنا ہے جو ہر روز غلط سلط انداز میں اشعار لکھ کر اخبار مالکان سے لاکھوں روپے تنخواہ وصول کر رہے ہیں۔

مجھے”اشعار کی صحت“ کے کالموں کی سخت سزا بھی بھگتنا پڑ رہی ہے، احباب کی مسلسل ناراضی بھی میرے لیے تکلیف دہ ہے مگر مَیں یہ بھی چاہتا ہوں کہ قارئین کو درست اشعار ہی پڑھنے کو ملنے چاہییں، اگرچہ مَیں بہت زیادہ زیرِ عتاب ہوں مگر یہ سلسلہ جاری رہے گا (ان شاء اللہ)۔

(جاری ہے)

اب چند غلط اشعار کا تذکرہ کرتے ہیں۔

”آسان نسخے“ کے عنوان سے اس نظم میں چند حکیمی نسخے بیان کیے گئے ہیں اس لیے سوشل میڈیا پر مسلسل اس نظم کو حکیم محمد سعید سے منسوب کیا جاتا ہے، جب کہ حکیم محمد سعید کا اس نظم سے کوئی تعلق نہیں، یہ نظم معروف شاعر اسد ملتانی کی ہے اور”کلیاتِ اسد ملتانی“ میں موجود ہے۔

محترم مجیب الرّحمان شامی نے 5 دسمبر کے اپنے کالم میں اِس مصرعے میں کچھ سقم پیدا کر دیا ہے۔
یہ مصرع چراغ حَسن حسرت کاشمیری کا ہے، اُن کی شخصیت پر ایم ظہیر نے”حسرت کاشمیری“ کے نام سے کتاب لکھی ہے، اس کتاب میں یہ مکمّل شعر موجود ہے۔
ہمارے اکثر کالم نگاروں کو کالم لکھنے کی بڑی جلدی ہوتی ہے اور اسی عجلت میں اشعار کو اِس طرح توڑ مروڑ دیتے ہیں کہ بڑا دکھ ہوتا ہے۔

آپ 6 دسمبر کا کالم”قلم دشمنی“ پڑھ لیجیے! ڈاکٹر اشفاق احمد ورک نے میر تقی میر کے شعر کا ناس مار کر رکھ دیا ہے۔
اب آپ میر تقی میر کا کہا گیا شعر بھی پڑھ لیں تا کہ آپ کو اندازہ ہو اشفاق احمد ورک نے شعر میں کتنی تحریف کر دی ہے۔
”انتخاب میر از محمد حَسن“ میں”رہتا ہے“ کی بجائے”رہتا ہوں“ بھی لکھا گیا ہے مگر”کلیاتِ میر“ کے قدیم ترین نسخوں اور ناصر کاظمی کی کتاب”انتخابِ میر“ میں پہلا مصرع”رہتا ہے“ کے ساتھ ہی موجود ہے۔

9 دسمبر کے روزنامہ”جہانِ پاکستان“ میں سیّد درویش شہزاد کا کالم”اقراء“ نظروں سے گزرا، کالم میں حضرت علامہ محمد اقبال کا ایک مصرع بحر سے نکال دیا گیا ہے۔
پہلے مصرعے میں لفظ”ہیں“ اضافی ہے، اس کا مصرعے کے ساتھ کوئی تعلق نہیں ہے، حضرت علامہ محمد اقبال کی کتاب”ضربِ کلیم“ میں مکمّل شعر اس طرح پڑھا جا سکتا ہے۔

روزنامہ ایکسپریس کی 9 دسمبر کی اشاعت میں حضرت علامہ محمد اقبال کے ایک شعر کا حلیہ کس طرح بگاڑ دیا گیا ہے، یہ آپ اشفاق اللہ جان ڈاگیوال کے کالم”تبدیلی“ میں ملاحظہ کر سکتے ہیں، حیرت ہے کہ ادارتی صفحات کے مدیران بھی ذرا غور فرمانے کی زحمت نہیں کرتے اور افسوس ناک تساہل پسندی میں مبتلا ہیں، اشفاق اللہ جان ڈاگیوال لکھتے ہیں۔

اگرچہ اس شعر کی درستی پہلے کسی کالم میں کی جا چکی ہے مگر شعر اتنے عامیانہ انداز میں لکھ دیا گیا ہے کہ ایک بار پھر تصحیح کی ضرورت پیش آ گئی ہے، ضربِ کلیم“ میں موجود اس شعر کی اصلاح فرما لیجیے۔
ایم ابراہیم خان 10 دسمبر کے کالم میں لکھتے ہیں”کسی نے خوب کہا ہے
ایم ابراہیم خان نے کسی تحقیق کے بغیر ہی مصرعے کی ترتیب خراب کر دی ہے۔

”کلیاتِ مجید امجد“ میں شعر اس طرح سے ہے۔
روزنامہ جنگ کی 12 دسمبر کی اشاعت میں جناب حَسن نثار نے ساحر لدھیانوی کے ایک مصرعے میں معمولی سی تحریف کر دی ہے، ظاہر ہے جب شعر میں خفیف سی تبدیلی بھی کر دی جائے گی تو شعر کا لطف ضرور کِرکِرا ہو گا۔

ساحر لدھیانوی نے”دیا تھا“ کی بجائے”دیا ہے“ استعمال کیا ہے، یقین نہ آئے تو ساحر لدھیانوی کی کتاب”تلخیاں“ اور”کلیاتِ ساحر“ کا مطالعہ کر لیجیے! ان دونوں کتابوں کے بالکل ابتدائی صفحات میں ہی یہ شعر موجود ہے۔
مرزا غالب کا ایک بڑا مشہور شعر ہے۔

اب دیکھیں کہ شوکت علی شاہ نے 14 دسمبر کے کالم”حرمت حرف“ میں یہ شعر کس طرح بگاڑ کر رکھ دیا ہے!
شوکت علی شاہ کا کارنامہ دیکھیے کہ لفظ”مقدور“کو ”معذور“ اور”لئیم“ کو”لعیم“ بنا کر رکھ دیا ہے، اس قسم کی غلطیاں ہم کیسے برداشت کر جائیں، ہونا تو یہ چاہیے جن کالم نگاروں کے غلط اشعار کی تصحیح کی جاتی ہے، اُن کو شُکریہ ادا کرنا چاہیے، مگر دوست خفا ہو جاتے ہیں۔

روزنامہ ایکسپریس کی 17 دسمبر کی اشاعت میں شکیل فاروقی رقم طراز ہیں”جس کا اندازہ سردار عبدالعرب صاحب کے اس شعر سے لگایا جا سکتا ہے
شکیل فاروقی نے”عبدالعرب“ اور”قافلے لڑوانے“ کی بات لکھ کر شعر کو لطیفہ بنا کر رکھ دیا ہے، سردار عبدالرّب نشتر سے منسوب یہ شعر دراصل استاد قمر جلالوی کا ہے اور ان کی کتاب”اوجِ قمر“ میں موجود ہے۔

18 دسمبر کے کالم کے آخر میں ڈاکٹر توصیف احمد خان لکھتے ہیں۔
اسی مصرعے کو کالم کا عنوان بھی بنا دیا گیا ہے، یہ مصرع کس شاعر کا ہے، اس کا تو مجھے کچھ علم نہیں! البتہ آپ میر تقی میر کا یہ شعر جو”دیوانِ میر“ اور”کلیاتِ میر“ میں موجود ہے، ضرور پڑھ لیجیے!
ایم ابراہیم خان نے 20 دسمبر کے کالم میں حضرت علامہ محمد اقبال کے شعر کا ایک مصرع تحریر کیا ہے مگر بغیر چھان پھٹک کے غلط ہی لکھ دیا ہے۔

”بانگِ درا“ کی نظم”شمع اور شاعر“ میں حضرت علامہ محمد اقبال نے اس مصرعے میں لفظ”ہیں“ کی بجائے”گے“ استعمال کیا ہے۔
پروفیسر محمد اصغر چیمہ کا کالم”ناگزیر“ 25 دسمبر کو پڑھا تو حضرت علامہ محمد اقبال کا ایک مصرع غلط پایا۔
جب کہ”ضربِ کلیم“ میں موجود نظم”مومن“ میں شعر اس طرح پڑھا جا سکتا ہے۔