سیاسی سائنسدان

موجودہ حکومت کے قیام کے وقت سے ہی پاکستان میں سیاسی ڈیڈ لاک چل رہا ہے تحریک انصاف کی حکومت روز اول سے اپوزیشن کو منہ نہیں لگا رہی وجہ اس کی یہ ہے کہ تحریک انصاف نے اپنی ساری انتخابی مہم میں اپوزیشن کی جماعتوں کو ٹارگٹ کیے رکھا اور سب کے بارےمیں یہ موقف اختیار کیا کہ یہ سب چور ہیں اور ہم اقتدار میں آکر ان سے لوٹی ہوئی دولت وصول کر کے قومی خزانے میں جمع کروائیں گے تحریک انصاف کی حکومت آج تک اس پر پہرہ دے رہی ہے لیکن ابھی تک لوٹی ہوئی دولت واپس لینے میں کامیاب نہیں ہو سکی ماضی میں حکومت اگر اپنی کسی مخالف سیاسی جماعت کو ٹارگٹ کرتی تھی تو باقی سارے سیاسی گروپوں کو اپنے ساتھ ملا لیتی تھی تاکہ حکومت کے خلاف کم سے کم آوازیں اٹھیں لیکن اس بار تو عمران خان نے الٹ کام کیا حکومت اکیلی ہے اور آوازیں اٹھانے والے سارے سیاستدان  اکھٹے ہیں اوپر سے حکومت میں شامل اتحادی بھی حکومت سے کوئی زیادہ خوش نہیں ایسی صورتحال میں سیاسی پنڈت یہ سوچنے پر مجبور ہیں کہ آخر عمران خان کیا چاہتا ہے وہ کسی کو بھی کھاتے میں لکھنے کے لیے تیار نہیں پہلے سے جاری سیاسی ڈیڈ لاک ذیادہ سنگین ہو چکا کیونکہ اپوزیشن کا اتحاد پی ڈی ایم سیاسی جلسے جلوسوں سے آگے کی سوچ رہا ہے لیکن حکومت میں لچک پیدا نہیں ہو رہی درمیان میں کرونا کا کشن آگیا ہے وہ خلل پیدا کر سکتا ہے پی ڈی ایم کی کوشش ہے کہ وہ کرونا سے پیدا صورتحال کو بھی حکومتی نااہلی میں شامل کر کے اپنی سرگرمیاں جاری رکھے کیونکہ انھیں خدشہ ہے کہ اگر دباو کا تسلسل ٹوٹا تو اس کو دوبارہ اس نہج پر لانا بہت مشکل ہو گا اب حکومت کرونا کی آڑ میں جلسے روکنے اور اپوزیشن ہر صورت کرنے کی ضد پر قائم ہے بہر حال پشاور کا جلسہ طے کر دے گا کہ احتجاج کو روکنے میں حکومت کامیاب ہوتی ہے یا اپوزیشن دباو کو قائم رکھنے کے لیے آپنے احتجاج کو جاری رکھنے میں کامیاب ہوتی ہے بہر حال یہ ساری عارضی باتیں ہیں اصلمعاملہ یہ ہے کہ اس وقت قومی ڈائیلاگ کی ضرورت محسوس کی جارہی ہے حکومت بھی اس ضرورت کو سمجھتی ہے اور اپوزیشن کو بھی علم ہے کہ جس طرح وہ چاہ رہے ہیں اس طرح ان کی دال گلنا ممکن نہیں اس لیے وہ بھی چاہتے ہیں کہ کوئی درمیانی راستہ نکلے لیکن اصل مسلہ یہ ہے کہ بلی کے گلے میں گھنٹی کون باندھے کبھی اداروں کی طرف دیکھا جاتا ہے کبھی عدالت کی طرف دیکھا جاتا ہے لیکن سیاستدان اپنی طرف نہیں دیکھ رہے اگر سیاستدان  آئین کی بالادستی کی بات کرتے ہیں تو پھر انھیں ادھر اودھر نہیں دیکھنا چاہیے اور خود راستہ نکالنا چاہیے ایسی صورتحال میں نوابزادہ نصراللہ خان بہت یاد آتے ہیں وہ سیاسی مسائل کا حل نکالنے کے ماہر تھے ان کی رحلت کے بعد اب بھی پاکستان کے پاس ایک سیاسی سائنسدان موجود ہے جس پر سب کو اتفاق بھی ہو سکتا ہے جو حالات کا ادراک بھی رکھتے ہیں اور وہ ڈنڈی مارے بغیر سب کو مطمئین کرسکتے ہیں وہ ہیں چوہدری شجاعت حسین لیکن وہ آج کل علیل ہیں حکومت اور اپوزیشن کو چاہیے کہ انھیں منصف مان کر ڈائیلاگ کا آغاز کریں چوہدری شجاعت حسین دونوں فریقین کو مطمئین کرسکتے ہیں وہ زمینی حقائق سے آگاہ ہیں سب کے معاملات کو بھی جانتے ہیں ان کی سربراہی میں شروع ہونے والے ڈائیلاگ مسائل کے حل کا پیش خیمہ ثابت ہو سکتے ہیں ورنہ محاذآرائی نہ صرف سیاسی جماعتوں کو نقصان ہو گا بلکہ ملک وقوم کو بھی خمیازہ بھگتنا پڑے گا۔