کم عمر مسلمان منتخب عہدیدار

نوجوان کسی بھی قوم مین ریڑھ کی ہڈی کی حیثیت رکھتے ہیں ۔جس قوم کے نوجوان محنتی ،جفاکش اور تعلیم یافتہ ہوں ،اُس قوم کو ترقی کرنے سے کوئی نہیں روک سکتا ۔نوجوان عزم و ہمت کا پیکر ہوتے ہیں ۔پاکستانی نوجوان دنیا کے جس کونے میں بھی ہوں، اپنے وطن کا نام روشن کرنے میں پیش پیش ہوتے ہیں ۔بشریٰ امیوالا ایک ایسی ہونہار نوجوان طالبہ ہیں جنہوں نے امریکہ میں رہ کر پاکستان کا نام روشن کیا ہے۔

بشریٰ امیوالا کو کم عمر مسلمان منتخب عہدیدار ہونے کا اعزاز حاصل ہے ۔
بشریٰ امیوالا امریکی ریاست شکارگو میں پیدا ہوئیں ۔دس سال کی عمر تک شکار گو میں ہی مقیم رہیں ۔اِس کے بعد اِن کے والدین Skokieمنتقل ہو گئے جو کہ Cook County Illinoisکا علاقہ ہے ۔بشریٰ نے یہاں سے تعلیم حاصل کی اور Niles North High Schoolسے گریجویشن کی۔

(جاری ہے)

اِس کے بعد انھوں نے اپنے سیاسی کیریئر کا آغاز کیا اور ایک ری پبلکن سینیٹر کے ساتھ انٹرن شپ پر کام کرنا شروع کر دیا۔

اِس کے بعد انھوں نے Cook County Board of Commissionersکے لیے اپنی کیمپین کا آغاز کیا ۔2018ء کے اِس مقابلے میں انھوں نے تین امید واروں میں سے دوسری پوزیشن حاصل کی اور 14988ووٹ حاصل کیے ۔یہ ٹوٹل ووٹوں کا 30.6%بنتے ہیں ۔
بشریٰ امیوالا کامیاب سیاستدان ہونے کے ساتھ ساتھ ایک سوشل ورکر بھی ہیں ۔جذبہ خدمت خلق اِن میں کوٹ کوٹ کر بھرا ہوا ہے۔انھوں نے اپنی سالگرہ کے موقع پر بے گھر کیئر پیکیج بنانے کی میزبانی کی ۔

اِس کمیشن میں وہ 3500ڈالر اکٹھا کرنے میں کامیاب ہوئیں ۔اِس طرح اِس کمیونٹی کے ساتھ 50نگہداشت پیکیج بنا کر تقسیم کیے ۔اِس کمیشن میں Jan Schakowskyنے بھی اِن کا ساتھ دیا ۔امیوالا کو گلیمر میگزین کے 2018ء کے College women of the yearمیں شامل کیا گیا ۔یہ اُن کے لیے ایک اعزاز کی بات تھی ۔
بشریٰ امیوالا کسیBillionaire خاندان میں پیدا نہیں ہوئیں ۔انھوں نے پیسے کے بل بوتے پر کامیابی اور شہرت حاصل نہیں کی بلکہ سخت محنت اور عزم و ہمت سے یہ مقام حاصل کیا ہے ۔

وہ کہتی ہیں
"I am not a student that went to Harvard University or anything.My parents aren't like these prestigious lawyers and Doctors but truly am someone who came from an important family, was born and raised here, go to a local university. If I could do it, you can do it as well ".
بشریٰ امیوالا کئی ایوارڈز اپنے نام کر چکی ہیں ۔20فروری 2021کو Asian American Coalition of Chicagoنے غیر معمولی خدمات کے عوض انھیں ایوارڈ سے نوازا ۔اِس کے علاوہ وہ ” And She Could Be Next“ کے موضوع سے اصل دستاویزی فلم کا حصہ ہیں ۔

ایک اور دستاویزی فلم Our America women Forward کا بھی موضوع ہیں ۔بشریٰ امیوالا اکثر کہا کرتی ہیں کہ:
 "Be the Change you want to see in the world.You have the power to make a difference in your own life, the lives of so many others in your community and dream big!"
بشریٰ امیوالا کو مسلمان ہونے پر فخر ہے۔ انھوں نے ہمیشہ مسلم کمیونٹی کے حقوق کے لئے آواز اُٹھائی ہے۔ وہ کہتی ہیں:
'' I am proud to be a Muslim. Im not just representing my constituents in my district, but Im representing almost Muslim women as a whole at a national level,''
بشریٰ امیوالا عزم و ہمت کا نشان ہیں ۔وہ مستقبل میں پہلی پاکستانی امریکی صدر بننے سے متعلق بھی پر اُمید ہیں۔ وہ خواتین خصوصاََ نوجوانوں کے لئے ایک رول ماڈل ہیں ۔آج کے نوجوان اُن کی کامیابیوں سے سیکھ کر اپنی زندگی کو کامیاب بنا سکتے ہیں۔