میں بھی حوا کی بیٹی ہوں

سارے انسان حضرت آدم کی اولاد ہیں لیکن زیادہ تر آپ نے سنا ہوگا کہ مرد کو آدم کا بیٹا اور عورت کو حوا کی بیٹی کے لیے حوا کی بیٹی کا لفظ استعمال کیا جاتا ہے اور خصوصاً جب کسی کے عورت کے ساتھ ظلم زیادتی ہوجاتی ہیں ہم اس کے لیے پھر دکھ بھرے فقرے اور حوا کی بیٹی جیسے الفاظ استعمال کرتے ہیں وہ الگ بات ہیں کہ ہم عملی طورککھ بھی نہیں کرتے ۔

آج کل میڈیا میں زیادہ تر ایک قسم کے خبریں آپ کو ملیں گے کہی پر کسی پھول جیسے بچے کے ساتھ کیسی نے زیادتی کی ہوگئی تو کہی پر ننھی بچی کیسی درندے کا شکار بنے ہوگی تو کھبی ٹوئٹر اور باقی سوشل میڈیا پلیٹ فارم پر دیکھنے کو میلے گا کہ کیسی لڑکی کو ماں کا ایک لاڈلہ بلیک میل کررہا ہوگا اور کھبی ویڈیو دیکھنے کوملیے گئی جس میں راہ چلتی شریف زادی کو کوئی چیڑرہا ہوگا اب پتہ نہیں یہ کیسیز اب زیادہ ہوگئے یا میڈیا پر رپورٹ زیادہ ہوتے ہیں یہ وہ کش مکش ہے جس میں مبتلا ہوں، لیکن ان سب میں آپ نے ایک چیز جو نوٹ کی ہوگی اور وہ ہم سب کرتے ہیں کہ کسی کہ ساتھ کوئی برا ہوجائے تو اس کی مزمت کرتے ہیں جو کہ کرنا بھی چاہئے اور عملی طور پر کوئی اقدامات کرنے چاہئے لیکن کیا ہم نے کھبی غور کیا ہے کہ ہم اپنے گھر کے عورتوں کے لیے فرعون بنے ہوئے ہیں جو لوگ کسی کو حراساں کرتے ہیں وہ تو انسان ہیں ہی نہیں لیکن جن درندو کی ہم مزمت کرتے ہیں وہ تو ٹھیک لیکن اپنے گھر کا کیا وہ بھی تو زیادتی کے زمرے میں آتا ہے اکثر لوگ اپنی بیٹیوں اور بہنوں کو تعلیم کے زیور سے آراستہ نہیں کرتے کیونکہ وہ لڑکیاں ہوتی ہیں۔

(جاری ہے)

یا بیٹوں کو کسی اچھی تعلیمی ادارے میں پڑھاتے ہیں اور بیٹی کو ویسے ہی وقت گزاری کے لیے کیسی سرکاری ادارے میں بھیجتے ہیں اور یہ کہا جاتا ہیں کہ ویسی بھی کسی دوسرے کے گھر میں جائے گئی اور پشتو میں کہی یہ سنے کو بھی ملے گا ( دہ پردی ڈیران خزلہ دہ) مطلب کسی ڈھیر کا کچرہ ہے مطلب بیٹی کو کچرے سے تشبیہی دی جاتی ہیں اندازہ لگا لیں لیکن جب بات بہو کی آجاتی ہیں تو پھر ہم اس کی آنکھ، ناک، کان، ہاتھ، پاؤں، بال،آبرو، قدوقامت، رنگ، نسل، تعلیم اور اس کا حال ماضی دیکھتے ہیں اور بیشک وہ حال اور ماضی میں کسی کی شہزادی ہوں لیکن مستقبل میں ہم اس کو غلام بنانے کے چکر میں ہوتے ہیں اور یہ ہمارے اندر کی سب سے بڑی منافقت ہیں، آپ نے یہ بھی دیکھا ہوگا کہ اکثر لوگ اپنی بہن کی شادی اسلیئے نہیں کرتے کہ پھر اس کو جائیداد میں حصہ دینا پڑھے گا حالانکہ وہ اس کے والد کا مال و دولت ہوتا ہے اور اس کو اپنا حصہ ملنا ہوتا ہے اور پھر اگر بات آجائے اسلام کی تو ہم سب سے بڑے پارسا ہوتے ہیں اور دوسرے کو انگلی پکڑنے میں سب سے آگے ہوتے ہیں جبکہ اسلام کہتا ہیں کہ بیٹیاں رحمت ہوتی ہیں اور رحمت کے ساتھ جو سلوک کیا جاتا ہے اس سے ہم واقف ہیں۔

اکثر گھروں میں آپ نے نے دیکھا ہوگا جب کوئی لڑکی مہکے آجاتی ہیں ماں اس کو بہت پیار کرتی ہے اور یہ بھی کہتی ہیں پتہ نہیں کیا کیا ظلم کررہے ہونگے اس پر بھلے سے وہ اپنے گھر میں خوش ہی کیوں نہ ہوں اور اس بات کا بنیادی وجہ یہ ہوتا ہے کہ اس گھر میں بہو کے ساتھ اس طرح کا سلوک کیا جاتا ہے۔ اگر لڑکوں کی بات کی جائے تو خود جو مرضی کپڑے پہنے، جو مرضی سٹائل بنائے لیکن پھر بہن کے لیے قاعدے ہوتے ہیں اب کس کس بات کو یہاں دھراؤں بس خلاصہ یہ ہے کہ دوسرے پر ہونے والے ظلم پر آواز اٹھانے سے پہلے اپنے گریبان میں جھانکے اور دوسرے پر نہ صرف تنقید کریں بلکہ عملی اقدامات بھی کرے لیکن پہلے خود کو ٹھیک کریں اور اس بات کو یقینی بنائیں کہ آپ کی بہن ہو، بیٹی ہو ، بیوی ہو یا دوست ہو وہ آپ سے بلا ججک اپنے حقوق مانگ سکے اور آپ کے سامنے یہ بات بلا خوف کہہ سکے میں بھی بنت حوا ہوں۔