بھارتی فوج نے پلوامہ میں مزید تین کشمیری نوجوانوں کو شہید کردیا
پیر 30 اپریل 2018 17:30
(جاری ہے)
نوجوانوں کی شہادت پر ضلع میں ہڑتال کی گئی اور بھارتی فورسز اور مظاہرین کے درمیان جھڑپیں ہوئیں۔
قابض انتظامیہ نے نوجوانوں کی شہادت کے فوراً بعدجنوبی کشمیر میں انٹرنیٹ اور ٹرین سروسز معطل کردیں۔ اس سے پہلے ضلع پلوامہ کے اسی علاقے میں ایک حملے میں ایک میجر سمیت بھارتی فوج کے دو اہلکار زخمی ہوئے تھے۔ سید علی گیلانی ،میرواعظ عمرفاروق اور محمد یاسین ملک پر مشتمل مشترکہ مزاحمتی قیادت نے بھارتی فوجیوں کے ہاتھوں تین نوجوانوں کے قتل اوردرجنوں کے زخمی ہونے کی شدید مذمت کرتے ہوئے کل مقبوضہ علاقے میں مکمل ہڑتال کی کال دی ہے۔ حریت رہنمائوں شبیر احمد ڈار ،مختار احمد وازہ ، ظفر اکبربٹ اور ہائی کورٹ بار ایسوسی ایشن نے اپنے الگ الگ بیانات میں اقوام متحدہ کی قراردادوں پر عمل درآمد کے ذریعے مسئلہ کشمیر کے حل پر زوردیا ہے ۔بار ایسوسی ایشن نے سرینگر کے علاقے خانیار میں بھارتی پولیس کی طرف سے جموںوکشمیر لبریشن فرنٹ کے چیئرمین محمد یاسین ملک پر تشدد کی بھی مذمت کی ہے۔ادھر سول سوسائٹی کے مختلف گروپوں،صحافیوںکی تنظیموں اور سماجی اداروں کے نمائندوںنے جموں میں ایک سیمینار میں منظور کی گئی قرارداد کے ذریعے کٹھوعہ کی ننھی بچی کی بے حرمتی اور قتل میںملوث عناصر کیخلاف مقدمے کی فوری سماعت پر زوردیا ہے ۔ سیمینار کا اہتمام جموںوکشمیر یونائیٹڈ پیس موومنٹ نے کیاتھا ۔ سیمینار سے محمد شریف سرتاج ، محمد راشدقریشی ، ایس نریندر سنگھ خالصہ، دپیکا سنگھ اور طالب حسین ایڈووکیٹ نے خطاب کیا۔دریں اثناء بھارتی حکومت نے مقبوضہ علاقے میں تحریک آزادی کشمیر کو دبانے کی غرض سے بھارتی فوج اور پیرا ملٹری فورسز کی مدد کیلئے نیشنل سکیورٹی گارڈ کے بلیک کیٹ کمانڈوز تعینات کرنے کا فیصلہ کیا ہے۔ بھارتی وزارت داخلہ کے ایک عہدے دار نے نئی دلی میں صحافیوں کو بتایا کہ بھارتی حکومت کشمیر میں این ایس جی کے کمانڈوز بلیک کیٹس تعینات کرنے کا ارادہ رکھتی ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.