صدرآزادکشمیر اور وزیراعظم کے درمیان ملاقات
مقبوضہ کشمیر میں بگڑتی ہوئی صورتحال اور انسانی حقوق کی سنگین خلاف ورزیوںپر تبادلہ خیال
اتوار 23 ستمبر 2018 17:00
(جاری ہے)
حال ہی میں ان نام نہاد آپریشنز کے تحت بانڈی پورہ میں ایک بے گناہ نوجوان کشمیری کو شہید کر دیا گیا تھا۔
انہوں نے کہا کہ بھارت کشمیریوں کو اپنے حق خودارادیت کے حصول کے لئے جدوجہد کرنے پر ان کے جذبہ حریت کو کچلنے کی ناکام کوشش کر رہا ہے۔ کشمیری اپنے پیدائشی حق ، حق خودارادیت کے جدوجہد کر رہے ہیں جو ہر انسان کا بنیادی حق ہے۔ ہندوستان ریاستی دہشت گردی کے ذریعے معصوم کشمیریوں پیلٹ گن کے ذریعے بینائی سے محروم کر رہا ہے ۔ خواتین کی عصمت دری کی جا رہی ہے ۔ کشمیریوں کے گھروں اور کاروباروںکو تباہ کیا جا رہا ہے۔ صدر آزادکشمیر نے کہا کہ اقوام متحدہ کی جنرل اسمبلی کے سیشن کے دوران سائیڈ لائنز پر پاکستان اور ہندوستان کے وزاء خارجہ کی طے شدہ باہمی ملاقات کو ہندوستان نے منسوخ کر کے یہ ثابت کیا کہ ہندوستانی حکومت بھارتی جنتا پارٹی اور راشٹریا سیوک سنگھ کے ہندو جنونیوں کے دبائو میں ہے۔ صدر نے کہا کہ پاکستان نے مذاکرات کی یہ پیشکش جذبہ خیر سگالی کے طور پر کی تھی تاکہ دونوں ملک مذاکرات اور سفارتکاری کے ذریعے پرامن طریقے سے مسئلہ کشمیر کے دیر پا حل کے لئے تمام مواقع اور راستوں سے استفادہ حاصل کر سکیں۔ جبکہ ہندوستان اس مسئلے کو تشدد کے ذریعے اور طاقت کا بے جا استعمال کر کے حل کرنا چاہتا ہے۔صدر نے کہا کہ کشمیری پرامن طریقے سے اس مسئلے کا حل چاہتے ہیں۔ صدر آزاد جموں وکشمیر نے کہا کہ ہندوستان خطے کو جنگی جنون اور دہاہنہ گیری کی طرف دھکیلنا چاہتا ہے تاکہ وہ مقبوضہ کشمیر میں کی جانے والی سنگین انسانی حقوق کی خلاف ورزیوں سے توجہ ہٹا سکے۔ اور مسئلہ کشمیر کے دیر پا حل سے بچ سکے۔ انہوں نے کہا کہ ہمارے شدید تحفظات ہیں کہ ہندوستان دانستہ طور پر اشتعال انگیز بیانات دے کر کشمیر میں ظلم و استبداد کو بڑھا رہا ہے۔ صدر آزادکشمیر اور وزیر اعظم آزادکشمیر نے اقوام متحدہ کے انسانی حقوق کے کمیشن کی سفارشات کی بھرپور حمایت کرتے ہوئے مطالبہ کیا کہ ہندوستان کو ان سفارشات پر عملدرآمد کرتے ہوئے کشمیریوں کے حق خودارادیت کا احترام کرنا چاہیے۔ اور دو کالے قوانین جن میں آرمڈ فورسزسپیشل پاور ایکٹ اور پبلک سیفٹی ایکٹ شامل ہیں جو ہندوستانی افواج کو بے دردی کے ساتھ انسانی حقوق کی پامالیاں کرنے کا اختیار دیتے ہیں انہیں فوری طور پ رمنسوخ کر دینا چاہیے۔ اور ایک انکوائری کمیشن فی الفور بنانے پر رضامندی ظاہر کرنی چاہیے جو مقبوضہ کشمیر میں انسانی حقوق کی خلاف ورزیوں پر تحقیق کر سکے۔ دونوں رہنمائوں نے ان تمام طور طریقوں پر تبادلہ خیال کیا جن کے ذریعے کشمیریوں کے حق خودارادیت کی سیاسی و سفارتی مدد کی جا سکتی ہے۔ اورجس سے مقبوضہ علاقے سے ہندوستانی استبداد کو ختم کرنے میں مدد مل سکتی ہے۔وزیر اعظم نے صدر کو بتایا کہ بیرون ملک کشمیریوں کے لئے ایک کمیشن تشکیل دے دیا گیا ہے جو کشمیر کے تارکین وطن کے تحفظات کو دور کرے گا اور انہیں آزادکشمیر میں سرمایہ کاری کرنے کی ترغیب دے گا۔ وزیر اعظم نے کہا کہ اس اقدام کا مقصد تارکین وطن کشمیریوں کو ایک ایسا سازگار ماحول فراہم کرنا ہے کہ وہ آزادکشمیر میں سرمایہ کاری کریں اور باالخصوص سیر و سیاحت کو فروغ دیں۔ دونوں رہنمائوں نے آزادکشمیر کے ایکٹ میں تیرہویں ترمیم کے مختلف امورکے بارے میں بھی تبادلہ خیال کیا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.