نسیم کی فارغ وقت میں سمتھ کی طرح بال چھوڑنے کی مشق

ویڈیو سوشل میڈیا پر اپ لوڈ کردی، مداحوں کے دلچسپ کمنٹس

ذیشان مہتاب بدھ 15 اپریل 2020 16:52

نسیم کی فارغ وقت میں سمتھ کی طرح بال چھوڑنے کی مشق

لاہور (اردو پوائنٹ تازہ ترین اخبار۔15اپریل 2020ء ) نوعمر فاسٹ باؤلر نسیم شاہ نے آسٹریلین بیٹسمین سٹیو سمتھ کی طرح آف سٹمپ پر گرنے والی گیندوں کو چھوڑنے کی مشق شروع کردی ہے ۔ واضح رہے کہ دنیا کے نمبر ایک ٹیسٹ بلے باز 30 سالہ سٹیو سمتھ نے انگلش باؤلرز کو زچ کرنے کیلئے گزشتہ برس لارڈز ٹیسٹ میں گیندوں کو چھوڑنے کا ایک انوکھا طریقہ متعارف کرایا تھا جس کے تحت وہ گیند کی لائن میں آکر بیٹ کو سامنے سے ہٹاتے اور پیچھے مڑ کر وکٹ کیپر کی جانب بھی دیکھتے تھے ۔

پاکستانی فاسٹ باؤلر نسیم شاہ بھی لاک ڈاؤن کے دوران فارغ وقت میں اپنے گھر پر اسی انداز سے بال کو چھوڑنے کی مشق کر رہے ہیں جس کی ویڈیو ان کی پی ایس ایل فرنچائز کوئٹہ گلیڈی ایٹرز نے سوشل میڈیا پر لوڈ کردی ہے ۔

#WeTheGladiators

Can you guess which batsman @iNaseemShah is copying 👀🧐

💡Hint: He’s an Aussie 🇦🇺#PurpleForce pic.twitter.com/4u2pe9mzZh
— Quetta Gladiators (@TeamQuetta) April 13, 2020

یاد رہے کہ پاکستان میں کورونا وائرس کے کیسز اور اموات میں دن بدن اضافہ ہورہا ہے اور اب تک 6 ہزار 246 افراد وائرس سے متاثر جب کہ 113 افراد جان کی بازی ہار چکے ہیں۔

(جاری ہے)

یکم اپریل سے ملک میں اموات اور کیسز کی تعداد بہت زیادہ تیزی سے بڑھ رہی ہے اور انہیں 15 دنوں کے دوران ایک روز میں زیادہ سے زیادہ 14 اموات تک ریکارڈ کی گئیں تھیں۔ اگرچہ حکومتی سطح پر کورونا وائرس کو روکنے کے لیے اقدامات کیے جارہے ہیں تاہم اس کا پھیلاؤ جاری ہے۔ حکومت کی جانب سے ملک میں مزید 2 ہفتوں کے لیے جزوی لاک ڈاؤن میں توسیع کی گئی ہے تاہم ساتھ ہی مختلف شعبوں کو کھولنے کی ہدایات جاری کردی گئیں۔ اگر آج کے کیسز پر نظر ڈالیں تو ابھی تک 269 نئے کیسز اور 6 اموات ریکارڈ ہوچکی ہیں اور سندھ، پنجاب، بلوچستان، اسلام آباد، گلگت بلتستان اور آزاد کشمیر میں یہ کیسز سامنے آئے ہیں۔