Live Updates

شیخ رشید جھوٹ بولنا بند نہ کیا تو حقائق جاری کروں گا، محمد زبیر

شیخ رشید کے بیانات قومی ادارے پر حملہ اور ان کو متنازع بنانا حماقت ہے، یہ بیانات بندر کے ہاتھ میں استرا دینے کے مترادف ہے۔ ن لیگی رہنماء اور سابق گورنرسندھ کا شیخ رشید کے بیانات پر ردعمل

sanaullah nagra ثنااللہ ناگرہ جمعرات ستمبر 20:57

شیخ رشید جھوٹ بولنا بند نہ کیا تو حقائق جاری کروں گا، محمد زبیر
لاہور(اردوپوائنٹ اخبارتازہ ترین۔ 24 ستمبر2020ء) مسلم لیگ ن کے رہنماء اور سابق گورنر سندھ محمد زبیر نے کہا ہے کہ شیخ رشید جھوٹ بولنا بند نہ کیا تو حقائق جاری کروں گا، شیخ رشید کے بیانات قومی ادارے پر حملہ اور ان کو متنازع بنانا حماقت ہے،یہ بیانات بندر کے ہاتھ میں استرا دینے کے مترادف ہے۔ انہوں نے وفاقی وزیرشیخ رشید کے بیانات پر ردعمل دیتے ہوئے کہا کہ شیخ رشید جھوٹ پر مبنی بیانات پر معافی مانگے اور جھوٹا پروپیگنڈا بند کرے۔

میرے خلاف جھوٹ کا سلسلہ بند نہ ہوا تو تمام حقائق ثبوتوں کے ساتھ جاری کروں گا۔ انہوں نے کہا کہ شیخ رشید کے بیانات کسی بندر کے ہاتھ میں استرا دینے کے مترادف ہے۔ شیخ رشید کے بیانات قومی ادارے پر حملہ اور ان کو متنازع بنانا حماقت ہے۔

(جاری ہے)

 وفاقی وزیر ریلوے شیخ رشید نے فیصل آباد میں میڈیا سے گفتگو میں کہا کہ  میں محمد زبیر کو چیلنج کرتا ہوں، تم کہتے ہومیری بڑا تعلق ہے، محمد زبیر سے 36سالوں میں جنرل باجوہ سے کبھی ملاقات نہیں ہوئی۔

اسد عمر کے بیٹے کی شادی میں محمد زبیر بھی بیٹھا ہوا تھا، کسی نے نہیں کہا کہ آپ ملنے آؤ، اس نے خود ٹائم لیا، دس مہینے مریم نواز کا ٹویٹر خاموش رہا، یہ آپ کا کیس لڑتا رہا۔ شیخ رشید نے کہا کہ آج میں یہ بھی کہنا چاہتا ہوں کہ مولانا فضل الرحمان ملک میں شیعہ سنی فساد کروانا چاہتے ہیں۔اس ملک میں ختم نبوت ﷺ کا قانون ہم نے روکا۔مولانا فضل الرحمان نے مخالف میں ووٹ دیا، ہم نے کہا کہ ہم عاشق رسول ﷺ ہیں، میرے کہنے پر اسپیکرایاز صادق قانون کو ٹھیک کیا۔

انہوں نے کہا کہ عمران خان سچائی کی علامت ہے۔،ملک کے حالات ٹھیک کرنا چاہتا ہے۔ میں شہر میں ایک لیڈر کو ایکسپوز کروں گا، پاکستان کی ٹی وی میں سب سے بڑی پارٹی شیخ رشید کی ہے۔ میں اکیلی سیٹ کا لیڈر ہوں، مولانا فضل الرحمان نے جنرل قمر جاوید باجوہ سے ون آن ون ملاقات کی ،مولانا فضل الرحمان اور بلا ول بھٹو سمیت سب آرمی چیف سے ملاقات کرتے ہیں۔

انہو ں نے کہا کہ 4مہینے کا وقت اے پی سی نے دیا ہے، چار مہینے کا وقت ہی میں نے دیا ہے، 31دستمبر تک ان کی حالت دیکھنے والی ہوگی، ایک چوری اوپر سے سینہ زوری، آج جتنی مہنگائی ہے ان کی وجہ سے ہے۔آٹے اورچینی کی قیمتیں اس لیے بڑھی کہ اپوزیشن نے لوٹ مار کی۔بلاول بھٹو نے کہا ہے کہ مجھے بلاؤ گی تو میں نہیں آؤں گا۔ یہ نہیں کہا کہ میں نہیں جاؤں گا۔

بلاول تم تو پیدا بھی نہیں ہوئے تھے جب سے میں قومی سلامتی کا ممبر تھا، اپنی ڈیٹ آف برتھ نکال کے دیکھ لو۔ میں نوابزادہ نصراللہ کے ساتھ کشمیر کمیٹی کو لندن اور امریکا میں لیڈ کرتا تھا۔مجھ پر اس پر کوئی پابندی نہیں تھی۔ آپ کی والدہ یا ذوالفقار بھٹو زندہ ہوتے تو بتاتے کہ شیخ رشید کس کا نام ہے۔میں نے تنہا ذوالفقار بھٹو کا جلسہ پلٹ دیا تھا۔ میں جواب دے سکتا ہوں لیکن میں اخلاق کے دائرے کو کراس نہیں کرنا چاہتا۔ شہبازشریف کہتے کہ میں ش میں آگیا ہے، میں اس ش میں نہیں ہوں، آپ اسمبلیوں سے استعفیٰ دیں ہم نئے الیکشن کروائیں گے، نہ استعفیٰ دیں گے، نہ دھرنا دیں گے، اور نہ ہی عدم اعتماد لائیں گے۔ 
اپوزیشن اتحاد کی تحریک سے متعلق تازہ ترین معلومات