ذوالفقار بھٹو کو میں اور وزیراعظم کوئی غدار نہیں سمجھتا، علی محمد خان

عوامی جلسوں میں گرمی میں بات ہوجاتی ہے لیکن بھٹو صاحب کو کوئی غدار نہیں سمجھتے، کشمیر کو کوئی صوبہ نہیں بنا رہا اور نہ بناسکتا ہے۔ مرکزی رہنماء تحریک انصاف کی گفتگو

ثنااللہ ناگرہ بدھ 14 جولائی 2021 21:06

ذوالفقار بھٹو کو میں اور وزیراعظم کوئی غدار نہیں سمجھتا، علی محمد خان

لاہور (اردوپوائنٹ اخبارتازہ ترین۔ 14 جولائی2021ء) پاکستان تحریک انصاف کے رہنماء علی محمد خان نے کہا ہے کہ ذوالفقار بھٹو کو میں اور وزیراعظم کوئی غدار نہیں سمجھتا، عوامی جلسوں میں گرمی میں بات ہوجاتی ہے لیکن بھٹو صاحب کو کوئی غدار نہیں سمجھتے، کشمیر کو کوئی صوبہ نہیں بنا رہا اور نہ بناسکتا ہے۔ تحریک انصاف کے رہنماء علی محمد خان نے نجی ٹی وی سے گفتگو کرتے ہوئے کہا کہ پانچ سال کشمیریوں میں مسلم لیگ ن کی حکومت نے کیا کام کیا ؟مریم نواز کشمیر میں چیلنج کرتی کہ پانچ سال میں ہماری کارکردگی زبردست رہی ہے۔

انہوں نے کہا کہ کشمیر کو کوئی صوبہ نہیں بنا رہا اور نہ بناسکتا ہے۔ ہماری پارٹی میں کشمیر کو صوبہ بنانے سے متعلق کوئی بات بھی نہیں ہوئی۔ علی محمد خان نے کہا کہ بھٹو صاحب کو میں اور وزیراعظم کوئی غدار نہیں سمجھتا۔

(جاری ہے)

بھٹو صاحب کو غدار نہیں سمجھتے، جلسے میں گرمی میں بات ہوجاتی ہے۔ اس موقع پر مسلم لیگ ن کے رہنماء محمد زبیرنے کہا کہ مریم نواز کو 4 ماہ پہلے کشمیری لیڈرز نے کہا کہ کشمیر ی لیڈرز نے خود کہا کہ گلگت بلتستان اور آزاد کشمیر کو صوبہ بنانے سے متعلق بات ہورہی ہے۔

واضح رہے گزشتہ روز وفاقی وزیر علی امین گنڈا پور نے چیئرمین پاکستان پیپلز پارٹی بلاول بھٹو اور مسلم لیگ ن کی نائب صدر مریم نواز پر الزامات کی بوچھاڑ کرتے ہوئے کہا تھا کہ ذوالفقارعلی بھٹو غدار، نوازشریف ڈاکو ہیں۔ آزاد کشمیر میں انتخابی جلسے سے تقریر کے دوران وفاقی وزیر علی امین گنڈا پور نے ذوالفقار علی بھٹو کو غدار اور نوازشریف کو ڈاکو قرار دے دیا۔

علی امین گنڈا پور نے الیکشن کی انتخابی مہم میں ایک بار پھر ووٹ ملنے پر بڑے ترقیاتی پیکیج دینے کا اعلان کردیا۔وفاقی وزیر نے گلگت بلتستان میں ایک ووٹ کی لیڈ پر ایک کروڑ کا پیکیج دینے کا اپنا ہی وعدہ یاد دلایا اور کہا کہ آپ جو مانگ رہے ہیں اس سے کہیں زیادہ ملے گا۔پیپلزپارٹی کی رہنماء سینیٹر شیری رحمان نے وفاقی وزیر علی امین گنڈاپور کی تقریر پر رد عمل دیتے ہوئے کہا کہ ووٹوں کے سوداگر غیر سنجیدہ لوگ مسئلہ کشمیر کا ستیا ناس کررہے ہیں۔

شیری رحمان نے کہا کہ گلگت بلتستان میں دھاندلی کے ذمے دار کشمیر الیکشن چوری کرنے کیلیے میدان میں اٴْترچکے ہیں۔انہوں نے کہا کہ بد زبانی، بد گوئی، بد کلامی اور بد تہذیبی سے عوام کے دل نہیں جیتے جاسکتے۔واضح رہے کہ وفاقی وزیر علی امین گنڈاپور نے اخلاقیات کو بالائے طاق رکھتے ہوئے چیئرمین پاکستان پیپلز پارٹی بلاول بھٹو اور مسلم لیگ ن کی نائب صدر مریم نواز پر الزامات کی بوچھاڑ کی تھی۔ زاد کشمیر میں تقریر کے دوران ذوالفقار علی بھٹو کو غدار اور نوازشریف کو ڈاکو قرار دیا تھا۔