صدر آزاد کشمیر کی وزیر خارجہ شاہ محمود قریشی کے ہمراہ یو این سیکرٹری جنرل سے ملاقات
وفد نے اقوام متحدہ کے سیکرٹری جنرل کو مقبوضہ کشمیر کے تازہ ترین صورت حال سے آگاہ کیا او آئی سی سے مقبوضہ کشمیر کی عوام کی بڑی امیدیں وابستہ ،او آئی سی مقبوضہ کشمیر میں جاری مظالم کو بند کروانے اور کشمیریوں کو حق خودارادیت دلانے کے لیے کوششیں تیز کرے،بیرسٹر سلطان محمود چوہدری
ہفتہ 25 ستمبر 2021 18:01
(جاری ہے)
دریں اثنا صدر ریاست بیرسٹر سلطان محمود چوہدری نے اقوام متحدہ میں مصروف دن گزارا اور اعلیٰ سطحی ملاقاتیں کیں، ان ملاقاتوں میں مسئلہ کشمیر کے حل اور مقبوضہ کشمیر کی تشویش ناک صورت حال سے اقوام متحدہ کے عہدیداران کو آگاہ کیا۔
بعد ازاں بیر سٹر سلطان محمود چوہدری نے وزیراعظم پاکستان عمران خان کے خطاب کے موقع پر جنرل اسمبلی کے اجلاس میں وزیر خارجہ شاہ محمود قریشی، اقوام متحدہ میں پاکستان کے مستقل مندوب منیر اکرم شیخ، کشمیر کمیٹی کے چیئرمین شہریار آفریدی اور دیگر کے ہمراہ شرکت کی۔ صدر ریاست نے اقوام متحدہ میں او آئی سی کے مستقل مندوب اگسم مہدیو (Agsim Mehdyev) سے بھی ملاقات کی۔ انہیں مقبوضہ کشمیر کے تازہ ترین صورت حال اور مسئلہ کشمیر پر تفصیلی بریفنگ دی۔ اس موقع پر صدر دریاست نے کشمیریوں کی او آئی سی کی غیر مشروط اور غیر متذلزل حمایت پر خصوصی شکریہ ادا کیا۔ اس بات پر بھی اطمینان کا اظہار کیا کہ انہوں نے اقوام متحدہ کی جنرل اسمبلی کے اجلاس کے موقع پر او آئی سی کے وزرا خارجہ کے کشمیر کانٹیکٹ گروپ کے اجلاس کا انعقاد کیا جس میں کشمیریوں کی غیر متذلزل حمایت کا اعاد کیا گیا۔ صدر آزاد کشمیر نے او آئی سی میں اقوام متحدہ کے مستقل مندوب کو بتایا کہ مقبوضہ کشمیر میں انسانی حقوق کی پامالی عروج پر ہے اور مقبوضہ کشمیر میں غیر قانونی طور پر نو لاکھ فوجی تعینات ہیں انہوں نے مزید کہا کہ بھارت کی جانب سے 5اگست 2019 کے غیر آئینی اور غیر قانونی اقدام کے ذریعے مقبوضہ کشمیر کی حیثیت تبدیل کر نے کے بعد ریاست کی صورت انتہائی سنگین ہے۔ بھارت نے حریت قیادت کو غیر قانونی طور پر پابند سلاسل کر رکھا ہے اور ہزاروں کی تعداد میں کشمیری نو جوانوں، خواتین، بزرگوں اور بچوں کی پیلٹ گن کے ذریعہ بینائی چھینی جا رہی ہے جبکہ مقبوضہ ریاست کی حیثیت تبدیل کر نے کے بیالیس لاکھ جعلی ڈومیسائل غیر ریاست باشندوں کو جاری کیے گئے ہیں تاکہ آبادی کا تناسب تبدیل کیا جا سکے۔ اس موقع پر صدر ریاست نے مزید بتایا کہ دو ہفتے قبل بزرگ کشمیر رہنما سید علی گیلانی زیر حراست وفات پر بھارتی حکومت کی جانب سے نماز جنازہ کی اجازت نہ دینا، سید علی گیلانی کے خاندان کے لوگوں پر تشدد کرنا، گرفتاریاں اور رات کی تاریکی میں طاقت کے بل بوتے پر ان کی تدفین کے علاوہ کشمیریوں کو ان کے جنازہ میں شرکت سے روکنے کی عالمی سطح پر تحقیقات کی جانا چاہیں۔ انہوں نے کہا او آئی سی سے مقبوضہ کشمیر کی عوام کی بڑی امیدیں وابستہ ہیں لہذا او آئی سی مقبوضہ کشمیر میں جاری مظالم کو بند کروانے اور کشمیریوں کو حق خودارادیت دلانے کے لیے کوششیں تیز کرے۔ یاد رہے کے اس سے قبل صدر ریاست بیرسٹر سلطان محمود چوہدری نے گزشتہ روز او آئی سی کشمیر کونٹیکٹ گروپ کے اجلاس سے ویڈیو لنک کے ذریعے سے بھی خطاب کیا تھا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.